EN 
شن الإعلامي تامر أمين، هجومًا على المطربة شيرين عبدالوهاب، بسبب تصريحها الأخير "والله أنا خسارة في مصر" أثناء حفلة رأس السنة والتي أحيتها مع الفنان صابر الرباعي.
وقال أمين، خلال تقديمه برنامج "آخر النهار" المذاع عبر فضائية "النهار"، "شيرين تحيرك، متعرفش إن كنت تحبها بسبب صوتها التحفة وحنجرتها الرائعة وأغانيها وقدرتها على الطرب وحاجة تشرف إن عندك صوت مصري حلو كده".
وأكمل: "وتحير كمان إنك متعرفش تكرهها وتزعل منها بسبب أفعالها وسلوكياتها ولسانها اللي طول الوقت بيقول كلام مش مسؤول وبتسيء لنفسها وللناس وللبلاد".
وأردف: "واضح إنها مش قادرة تظبط لسانها في الحفلات اللى على الهوا"، مستطردا، "مفيش حد خسارة في مصر".
وتابع: "لا أنا آسف التريقة على البلد مش هنسمح بيها تحت أي بند وواضح إن شيرين عندها مشكلة ولازم نحط حد لهذه المهزلة، لأننا مش هنسمح بالإساءة لبلدنا بالشكل ده".
وطالب أمين، نقيب المهن الموسيقية الفنان الكبير هاني شاكر بالتدخل لوقف "الهرتلة"، مطالبًا بمنع شيرين من الغناء "لايف" في الحفلات والاكتفاء بالأعمال المسجلة.
