توثيق تاريخي.. تعرف على أبرز تصريحات محمود عبد المغني عن فيلم السرب

كشف  الفنان محمود عبد المغني خلال ندوته في موقع صدى البلد عن كواليس مشاركته في فيلم السرب .

وقال محمود عبد المغني : "وافقت على الفيلم منذ بداية عرضه علي.. الموضوع استفزني قصة حقيقية ولما حصلت كنت حزين ومتضايق جدا.. أخوات لينا  في أرض تانية مش في أرضك بيحصل معاهم كدة وأنت قاعد متكتف مش عارف تعمل حاجة.. أنا اتضايقت كمصري.. ولما جاتلي الفرصة كممثل إني أعبر عن إحساسي كإنسان لم أتاخر.. لأن ده توثيق تاريخي للي حصل".

وتابع محمود عبد المغني : "الضربة اللي حصلت في درنة كانت ثأرا ولابد أن يحدث وكان لازم نفش غلنا..  كان بالنسبالي أني في مهمة مش فيلم.. وسعيد للغاية إني شاركت بالفيلم وبردود فعل الجمهور مجرد ما شافوا الإعلان".

واستطرد محمود عبد المغني : "كلنا مرينا بالظروف دي والقصة ملموسة وحصلت في وقت قريب علشان توثقها لازم تؤديها بكل أمانه".

وقال عبد المغني: "مكنتش شايف ممثلين كنت شايفهم جنود.. كله كان متحمسا كنا بنصور في البرد لأن كله كان عاوز يطلع الفيلم أفضل ما يكون".

وكشف الفنان  محمود عبد المغني، عن كواليس مقابلة أسر الشهداء خلال تصوير مشاهده في فيلم السرب

وقال: "تقابلت مع  طيارين مصريين أبطال..  احنا متصنفين علي مستوى العالم بمركز متقدم في الطيران؛  فوجدت  بطولات كبيرة وقمنا بتغيير الأسماء الحقيقة  لظروف أمنية".

واستكمل: "أحلى حاجه حصلتلي أني شوفت أسر الشهداء واتعاملت معاهم وقضينا يوم مع بعض وكان  يوم حلو ".

وكشف عن بكاء أهل الشهداء وقال: "بكى أهل الشهداء عندما بدأوا يتذكرون أولادهم ..  وعرفت اكتر حينها  أنا هنا ليه وهذا زادني  حماس غير طبيعي .. إذا كان بهدي الفيلم ده أهديه لأسر الشهداء من القوات المسلحه والقوات الجوية ".

أبطال فيلم السرب :

فيلم "السرب" يتناول الضربة الجوية التى نفذها الجيش فى ليبيا ضد داعش، إنتاج شركة سينرجى ومن تأليف عمر عبد الحليم وإخراج أحمد نادر جلال، ومن بطولة أحمد السقا وهند صبرى، ومنى زكى، ودياب، وكريم فهمى، وآسر ياسين، وشريف منير ومحمود عبد المغنى.