EN 
كشفت الفنانة منة فضالي عن سبب عدم حضورها مهرجان الجونة، قائلة: "مبحبش أكون موجودة في مكان مش مكاني .. عشان أكون متواجدة في مهرجان لازم كون عندي تكريم مثلاً أو هقدم مهرجان أو هقدم حد من زمايلي .. مش حابة أكون رايحة أتصور بس .. مش بسيء لحد .. بس أنا دايماً عندي تحفظ على النقطة دي".
تصريحات منة فضالي
وأضافت منة فضالي، قائلة: "أنا زمان كنت بروح أحضر كل المهرجانات والحفلات.. وكنت بحرص دائماً إني أكون متواجدة .. لكن مع الوقت .. كل ما الواحد بيكبر تفكيره بيتغير .. فمبحبش أكون رايحة أتفرج بس أو أروح في مكان مش حاسة بنفسي فيه"، لتصبح تصريحات منة فضالي محل اهتمام كبير على محركات البحث.
وعلقت الفنانة منة فضالي على وجود الراقصات في مهرجان الجونة، قائلة: “أنا بشوف ناس غريبة جدا متواجدين في المهرجان، وملهمش دعوة بالفنانين، ومعرفش مين دول أصلا، ومعرفش بيتم دعواتهم بناء على إيه”.
ونوهت الفنانة، قائلة: "مؤخراً بقيت بشوف راقصات في مهرجان الجونة .. وده جديد بالنسبالنا .. رغم احترامي للرقص جداً .. لكن ده مش واجهة للفن .. والمفروض إن اللي يبقوا موجودين مخرجين ومنتجين وفنانين وممثلين عالميين فقط .. فيه ناس مينفعش تتواجد".
وتابعت منة فضالي: "أنا معنديش تحفظ على شخص بعينه ولكن الحوار مش لطيف وأنا ضد تواجدهم في مهرجان سينمائي فني".
وعن إطلالات الفنانات في مهرجان الجونه، قالت منه فضالى : "أنا واحدة طبيعتي بسيطة ومش بحب الشو.. وبحبش ألبس حاجة غريبة مش شبهي.. فيه لبس وألوان فاقعة مينفش تتلبس.. في النهاية احنا في مجتمع شرقي وفيه لبس الناس مبتفبلهوش".
وأضافت منه فضالى ، قائلة: "أنا بقبل النقد في كل حاجة عادي.. ومعنديش مانع ان حد يقولي ايه يامنة اللي انتي لبساه ده".
وتابعت الفنانة منه فضالى في تعليقها على اطلالات مهرجان الجونه 2021 : "اللي بيحضروا المهرجانات .. يبقوا رايحين كل واحدة عايزة تكون لابسة أحسن وأحلى من غيرها .. وده أمر طبيعي لأن كل واحد بيبقى عايز يظهر شيك أووي".
وللمزيد حول تصريحات منة فضالي بشأن فساتين النجمات في مهرجان الجونه السينمائي والمقام بمحافظة البحر الأحمر شاهد الفيديوجراف التالي:
