الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

أحمد آدم: عصر عادل إمام انتهى .. وهنيدى بيسرق أفكاري.. نوستالجيا

الفنان أحمد آدم
الفنان أحمد آدم

حل الفنان أحمد آدم ضيفاً في لقاء سابق مع برنامج "على ورق"، المُذاع على "دريم زمان"، وتحدث عن أقوال نُشرت له من قبل.

وعلق أحمد آدم على كلام نُشر له من قبل بأن عصر "عادل إمام" انتهى ومحمد هنيدي بيسرق أفكاره، قائلاً: "انا لما قولتها كان قصدي إن في عصر عادل إمام كان الفنان يعمل في 7 أو 8 أفلام على مدار السنة، ويفضل ناجح على مستوى المسرح والسينما".

وتابع: "محدش حقق الكلام ده خلال الـ 20 سنة اللي فاتوا غير عادل إمام .. لأنه كان ممكن يعمل فيلم وحش وينجح، ولو فيلم حلو بينجح بردو.. ولو عمل مسرح كان بتكون المسرحية أعلى إيرادات .. ولو عمل سينما بتكون إيراداته أعلى في السينما".

وتابع: "أنا شايف إن عصر عادل إمام غير قابل للتكرار، لأن الظروف اللي احنا فيها مخلية النجم فينا بيعمل فيلم واحد، وبالتالي الواحد بيحط كل خبراته وتجاربه في هذا الفيلم .. ولو الفيلم وقع هيتقال على الفنان ده وقع، لو نجح هيتقال على الفنان نجح".

وأكمل: "عكس عصر عادل إمام، كان الواحد يعمل 5 أفلام، اتنين منهم نجحوا والـ 3 الباقيين وقعوا، بردو الفنان بيكون ناجح".

وعن سرقة هنيدي لأفكاره، قال أحمد آدم: "أنا مقولتش سرق مني، أنا قولت أخد مني فكرة الأفيش، لأنه كان بيصورني، وكنا عاملين زي قعدة كد يوم افتتاح الفيلم، وكنا عاملين أفيش فيه صورة الفيلم، واتعرضت في المجلات والجرائد وبعدين قبل التسجيل اضطريت أغير الأفيش لأن هنيدي أخد الأفيش".