EN 
أدلى المتهم بقتل الطالبة نيرة أشرف بأقواله أمام محكمة الجنايات، قائلًا:" هي طول الفترة اللي فاتت في الكلية كانت عمالة تقول إن أنا عايز ارتبط بيها غصب عنها وأن أنا مظلومة .. وطبعًا اللي يعرفوني مش هيصدقوا الكلام ده ، لكن اللي ميعرفنيش هيصدقها ويسمع كلمها ، وكانت بتستغل إنها بنت وكده وبتدخل تكلم الشباب وتقول بقى حاجات مبتحصلش وألاقي ناس داخلة بتقولي ابعد عنها ".
وأضاف : " الفترة دي كنا احنا لسه في سنة تانية وبعد كده أخد الشتايم والصور بتاعتها وبعتها لقرايبها ، وبعد كده قالولي أنت كده بتشهر بيها .. قلتلهم أنا مش بشهر الصور دي أنا مش جايبها من برة الصور دي بنتكم هي اللي منزلاها والشتايم بصوت، بنتكم والكلام ده كله كلامها وأنا مش مسجلها حاجة غصب عنها أو مصورها غصب عنها ".
وتابع :" أمها وأبوها قالولي عايزين بقا نلم الموضوع ونحل الخلاف اللي بينكوا واحنا كنا غلطانين .. فأنا صدقتهم وقمت روحتلهم ومقولتش لحد من أهلي ولا من صحابي وروحتلهم البيت قاموا جابولي بلطجية ومضوني على وصلات على بياض ".
وأكمل :" أبوها قالي أنا مليش دعوة بالكلام ده كله انتوا حرين مع بعض تولع فيك أو تولع فيها ، وخلاص أنا شايل ايدي منها واحنا هنمضيك على الوصلات دي عشان نضمن انك متجبش سيرتنا في أي حاجة ".
واستطرد :" من هنا جيه في دماغي إني انتقم منها .. مكنتش حاطط في دماغي أموتها كنت عايز انتقم لنفسي وفكرة الانتقام مكنتش بالشكل اللي أنا نفذته .. كنت عايز أرد اعتباري وكرامتي ومع بداية سنة تالتة بدأت تقول عليا كلام مبيحصلش".
