EN 
كشفت الفنانة هنادي مهنا٫ أنا دورها في مسلسل "مكتوب عليا" قفزة في مسيرتها الفنية٫ وأنه يمثل الكثير لها كونه السبب في منحها طاقة إيجابية وفرحة غير عادية.
وتابعت خلال لقائها ببرنامج "كلمة أخيرة"٫ الذي تقدمه الإعلامية لميس الحديدي على شاشة " ON": “وأنا شغاله في المسلسل ده كنت بقول لهم أنا جايه أتعالج عندكم نفسياً من كتر الفرحة والطاقة الإيجابية”٫ لافتة: “ بحبه بشكل مش طبيعي لان كل حاجه فيه حلوة”.
وواصلت: "أكرم حسني من أحسن الحاجات اللي حصلتلي في مسيرتي الفنية٫ هو شخص محترم وبياخد باله من شغله ودمه خفيف وإحنا مشتركين في صفات بنحب الشغل وبنلون الورق وإحنا بنذاكر لترتيب الأمور في التحضير٫ وتفاجئت بالأشياء المشتركة بينا٫ خاصة وأنه بيحب المزيكا زيي".
وأشارت: "كل المشاهد ضحكتني٫ وأنا بصور مشهد وهوا داخل عليا وأنا بقول في التليفون هكلمك تاني جوزي جه ماعرفناش نمسك نفسنا من الضحك٫ وضحكت في مشاهد كتيرة لحد ما بطني وجعتني".
ولفتت إلى أنها لمست نجاح المسلسل في غضون عرض الحلقات الأولي قائلة: “فرحت بالنجاح أوي عشان كلنا اشتغلنا بقلبنا”.
