EN 
قال الفنان نور خالد النبوي، إنه أحب التمثيل بسبب مشاهدة فيلم أفريكانو، معقبا: “نطة أحمد السقا فى الفيلم سبب حبي للتمثيل.. وحصل لي إحساس وفرحة، وحبيت أعمل ده”.
وأضاف خلال حواره ببرنامج “معكم” المذاع عبر فضائية “سى بى سى”، تقديم الإعلامية مني الشاذلي: “كنت متيم بالسينما، وكنت أحيانا أشاهد 5 أفلام فى اليوم، وأنزل السينما لوحدي أتفرج، وأحضر ندوات".
وتابع: “لم أكن أجرُؤ أني أطلب من خالد النبوي إنه يدخلني فى دور؛ لأنه كان رافض من الأساس، وإنه مستحيل يكلملي حد، وأنا قابل ده، ومش بحب آخذ الأمور بسهولة.. وروحت عملت أوديشن واترفضت فيها، وفيه واحد تاني اتقبلت”.
وواصل حديثه: “مكنش ليا دور فى مسلسل راجعين يا هوا، وكنت رايح افتتاح، ولقيت مكالمة من الأستاذ محمد سلامة المخرج، بيقولي إن فيه دور، وحد رفضه، والتصوير بعد 4 أيام، وطلب يقابلني تاني يوم.. ورجعت البيت لخالد النبوي، وكان بيقول: مصيبة إن الراجل مشي وساب الدور، قولتله أنا المصيبة؟.. قالي: طيب، ربنا معاك”.
