EN 
حالة من الجدل الواسع أثارتها الفنانة نداء شرارة بعد الإعلان عن أسعار تذاكر حفلها الذى من المقرر أن يقام فى الأردن والتى وصلت إلى 15 دينار وهو الأمر الذى دفع الكثير للتساؤل عن سر هذه التفاوت الكبير بين اسعار الحفلات حيث تعد حفل نداء أقل بكثير من الحفلات الأخرى والتى تبدأ من 100 دينار على سبيل المثال.
وقررت نداء شرارة الرد مباشرة على جمهورها عبر صفحتها على موقع التواصل الاجتماعي فيسبوك قائلة : "أنا المسؤول وأنا اللي بطلب تكون أسعار التذاكر بحفلاتي معقولة، عشان كل الناس تقدر تحضر ولو عليّ بخلي كل الناس تحضرها ببلاش.
نداء شرارة
وأضافت نداء شرارة: أنا بنت الأردنيين وهما دعموني، وكل إنسان عنده هدف وأنا هدفي ليس المال هدفي أفرحهم وحفلاتي بالأردن بـ استثناء المهرجانات غالبًا بتكون من تنظيمي، لأني ما بقدر أغني بأي مكان فى بعمل حفلات بمسارح مرتبه، وبرفض أرفع سعر التذكرة عشان الناس كلها تقدر تيجي.
وأوضحت نداء شرارة : "زمان قبل ما أكون بالفن كنت بحب أروح أحضر فنانين، بس ما كنت بقدر أشتري التذكرة، اليوم بعرف الشعور، لذلك بحب كل الناس تيجي وبستمتع بالحفلات اللي جمهورها جاي يحضر ببلاش، وبحس وقتها قديش عندي شعبيه مش مجرد حدا مشهور وخلاص، والنظرة المأخوذة عن الفنان الأردني إنه مظلوم ياريت نغيرها، أحنا برضو بس يكون عندنا حفلات بأي بلد برا أسعار التذاكر بتكون مرتفعة وهاد مش بإيدنا.
وأشارت نداء شرارة: لأنه بطبيعة الحال أي فنان رح ييجي من برا تكلفته عالية جدًا على القائمين على الحفل لذلك يتم رفع سعر التذاكر، أهلا بكل الفنانين اللي بتنورنا والله يديم علينا نعمة الأمن والأمان وتضل الأردن بخير وحب وفرح.
