EN
عبر إبراهيم سعيد نجم الاهلي السابق، عن سعادته بقرار حسام حسن مدرب منتخب مصر الأول لكرة القدم، بعدم استدعاء إمام عاشور، لمعسكر المنتخب، استعدادا لمباراتي موريتانيا، في تصفيات أمم أفريقيا 2025.
وقال إبراهيم سعيد خلال تصريحات تلفزيونية "بحيي كابتن حسام حسن على عدم اختياره إمام عاشور، ما يستحقش يكون في المنتخب أصلا في الفترة دي، وفي المعسكر اللي فات قال إنه اتصاب وبعدها بيومين لعب مع الأهلي، يبقى كدة في حاجة غلط".
وأضاف: "مينفعش يتواجد في المنتخب إلا لما يرجع كويس من تاني".
وأكد: "إنت بتضر نفسك وعندك فرصة تكون من النجوم. مهما عملت بطولات وحققت إنجازات يظل المنتخب هو اللي بينجم اللاعب مع احترامي للأهلي والزمالك".
وتابع: "إنت ممكن تكسر الدنيا في الأهلي لكن هيجي يوم وتنتهي مسيرتك، لكن ما عملتش حاجة كويسة في المنتخب مسيرتك هتكون ناقصة كتير جدا"
