"أبو حامد": "تنظيف وزارة الكهرباء من الإخوان بداية الحل للأزمة

أكد محمد أبو حامد البرلمانى السابق ورئيس حزب حياة المصريين، أن "تنظيف وزارة الكهرباء من عناصر جماعة الإخوان الإرهابية وبشكل سريع هو بداية الحل للأزمة التى يعانى منها الشعب المصرى"، منوها أنه طالما هناك إخوان داخل الوزارة لن تحل أزمة الكهرباء.
وتابع "أبو حامد"، حديثه فى تغريدة له عبر حسابه الشخصى بموقع التواصل الاجتماعى "تويتر": "يعني إيه إجراء مناورة وصيانة يعطل البلد كلها وبعدين المناورات إللي تعطل الحياة كلها دي مسمعناش عنها قبل كده لا في مصر و لا غيرها من الدول".
وأضاف: "متحدث الكهرباء بيقولك عمل روتيني آمال كل الناس مستغربين ليه و بعدين مكنش ينفع تتعمل المناورة في وقت ميعطلش مصالح الناس".
واستكمل أبو حامد حديثه قائلا : "مين إللي اختار وقت عمل مناورة الصيانة إللي بتتكلم عنها وزارة الكهرباء؟".
واستطرد قائلا : "المتحدث باسم الكهرباء بيقول بنعمل المناورات والصيانة في غير أوقات الذروة يعني الناس نزله شغلها و الكل بيقول يا فتاح يا عليم ده مش وقت ذروة".
كما وجه أبو حامد رسالة إلى الإخوان قائلا : "عشان الإخوان إللي بيهروا إحنا مواطنين بنكلم حكومتنا في مشاكلنا ملكوش دعوة إنتم يا خونة يا إرهابيين يا ولود.. بينا ولا ببلدنا ولا حكومتنا".
واختتم أبو حامد حديثه قائلا: "المهم إن الإخواني المغفل فاكر إنه في أي مشكلة أو أزمة ممكن تخلي الشعب يترحم على الخائن مرسي و الله لو حصل فينا إيه يا إخوان إنتم الشر المطلق".