بالفيديو.. وصلة «قلش» من رامز لـ على الحجار: «احنا عيال سيطرة»

بدأ الفنان رامز جلال حلقته من برنامج «رامز بيلعب بالنار» بوصلة سخرية و«قلش» على ضحيته اليوم علي الحجار أثناء تجهيزه لتنفيذ مقلب البرنامج، بقوله «بالولعة والنار هنكمل المشوار، بص يا علي لو انت حنجرة فاحنا عيال سيطرة وقابلني في الاوضة اللي ورا، وتصنيف علي الحجار سقراط الغناء العربي».

وقام «رامز» مقدم برنامج «رامز يلعب بالنار» على قناة «إم بي سي مصر»، بالغناء الساخر من ضحيته ، مضيفا «اعزائي المشاهدين من كازابلانكا المغربية عروس شمال أفريقيا من قلب المعركة والمحرقة التى تشهد الوصف التفصيلي لعملية صهر وتفتيت علي الحجار، والجيل بتاعنا عاش طفولته ومراهقته وقصص حب علي اغاني وانغام الحجار».

وسخر «رامز» من ضحيته قائلا «تمضي السنين ويجي واحد تافه زيي يولع فيه، وربنا وضع فيه حنجرة مميزة، وتحس انه داخل الاوبرا، وجاي وعامل تسريحة الأسد، ويستثمر فلوسه في بورصة القطن لحد دلوقتي، انتو فاتحين فرعين من عائلتكم في المغرب ولا ايه ياعلي».

ويأتي برنامج «رامز بيلعب بالنار»، استكمالًا لسلسلة برامج المقالب التي أعدها رامز جلال خلال أشهر رمضان، خلال السنوات الماضية، وهي «رامز توت عنخ آمون»، و«رامز قرش البحر»، و«رامز ثعلب الصحراء»، و«رامز قلب الأسد» و«رامز واكل الجو».