EN 
سادت الفرحة أرجاء مدينة بلقاس، التابعة لمحافظة الدقهلية، وقراها عقب خروج أبنائها المصابين بـ فيروس كورونا معافين من الحجر الصحى بالإسماعيلية، دموع الفرح لا تتوقف والجميع يتنفسون الصعداء.
وتحدث ياسر الرفاعى زوج شقيقة الفقيد الثانى وهو الحالة الثانية التى توفيت ببلقاس عقب الحالة الأولى، حيث قال" أنا كنت من ضمن الحالات اللى طلع عندها فيروس كورونا" مخالطة" ، فى البداية طبعا كنت خايف مش عشان نفسى أكتر ما يكون حد أصيب بسببى؛ والحزن كمان على الفقيد أحمد اللى كان نعم الناس أخ وصديق وقريب وكل الناس كانت بتحبه ربنا يرحمه".
اقرأ ايضا:
وأضاف " لما رحت الحجر الصحى بالإسماعيلية التزمت بالتعليمات كاملة، وكنت فى غرفة لوحدى باخد العلاج كامل وبسمع أى حاجة من الأطباء لصالحى، والحمد لله خفيت وبشكر كل الأطباء اللى كانوا معانا والأطباء بمستشفى بلقاس اللى تعبوا كتير".
واختتم قائلا " نصيحة منى للكل الزم بيتوتكم وحافظوا على نفسكم وأسركم والناس إحنا فى مرحلة صعبة لازم نخاف على بعض وعلى قد ما تقدر متخرجش إلا للضرورة، ودايما خلى معاك مطهر، وإن شاء الله مصر كلها آمنة وهبنتهى الفيروس ويختفى".
اقرأ ايضا:
