EN 
حل الفنان فتحي عبد الوهاب ضيفًا في برنامج "AB Talks" الذي يقدمه أنس بوخش على موقع الفيديوهات العالمي "يوتيوب".
تحدث عبد الوهاب عن طفولته وذكرياته مع أهله، وسر السعادة بالنسبة له.
وجاءت تصريحات "عبد الوهاب" كالتالي
١- أوقات ببقى ناقم من حاجة أو متوقع شيء ومش بيحصل، أو حاجة بتحصل مش زي ما أنت عايزها بالظبط بس بعد شوية أنت بتبتدي تقبل فكرة تقلب الحال فعلشان كدا الحمد لله دايما.. وأنا في الفترة دي تقدر تقول أني مقدرش أقيم أني كويس أو لا أو مضغوط ولا لا".
٢- السعادة كانت بتيجي بأمور بسيطة جدًا دلوقتي السعادة عزيزة وغالية.
٣- الرسمة التي تعبر عن حالتي النفسية في الوقت الحالي هي خط مستقيم.
٤- بشوف أن أنا بشكل ما متسرع وحكمي بيبقى عاطفي مش عقلاني في بعض المواقف، وأنا بشوف أن دا حاجة مش تمام ومش المفروض أبقى كدا.
٥- وأنا شخص كسول جدًا وبزهق بسرعة يمكن عشان أنا شوية مش متفائل والحياة مش طول الوقت عندي بمبى.
٦- الحب يجب أن يكون من الناحية العقلانية وليست العاطفية حتى يستمر.
٧- الطفولة كانت عادية مفيهاش أحداث جسيمة، أكتر من أن أنا كنت بعيش مع جدتي وجدتي لأمي، لأن أنا أبويا وأمي كانوا دايما مسافرين.
٨- كنت اتواصل مع والدي في طفولتي عن طريق التليفون وأراهما في الإجازات الصيفية.
٩- عيشتي في الريف خليتني احب الزراعة عشان جدي كان عنده جناين، فأنا حبيت الزراعة جدا ولغاية دلوقتي.
١٠- كان من أميز الحاجات اللي أنا ممكن أعملها أن أنا أقرا بس كانت المشكلة أن الكتب دي بتاعت جدي.
