الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

ما تشتروهاش.. فاطمة أبو حاتي تحذر من نوع جبنة شهير يباع بالأسواق

جبن
جبن

أثارت الشيف فاطمة ابو حاتي جدلا كبيرا علي السوشيال ميديا بسبب تحذيرها من جبنة تباع بالاسواق .

وحذرت الشيف فاطمة ابو حاتي علي صفحتها الشخصية بالفيسبوك من جبنة موتزريلا مكتوب عليها انالوج وكتبت اعذروني مش هينفع اشهر بالشركة اللي فيها عمال بس دي المواصفات اللي علي الكيس ياريت تقرأ قبل ماتجيبها وماتشريهاش.  

أزمة الجبن

يذكر أن هذا ليس المنشور الأول للشيف فاطمة ابو حاتي حول أزمة الجبن السيئ، حيث تداول مستخدمو الفيسبوك تحذير من الشيف فاطمة ابو حاتي في منشور آخر من نوع جبنة تسبب في أفسد وصفة الجلاش بالجبنة.  

وكتبت في منشورها: “حدث بالفعل النهاردة عايزه اصور وصفه مالقيتش عندي موتزريلا……بعت بنتي ماركت كبير (بدون ذكر اسماء) جابتلي نوع بالنسبالي اول مره استخدمه المهم بدأت وفتحت الكيس لاقيت الجبنه عباره عن شرايط وقطع مش مبشوره عادي مفيش مشكله ….المشكله اني لاقيت فيها قطع لونها اصفر غامق قولت يمكن عاملين ميكس مع جبنه شيدر !!!”.

وأضافت: “قرأت تاني اللي عالكيس لاقيتها موتزريلا فقط تمام ….. استبعدت اللي لونهم غامق وبدأت اعمل الوصفه ودخلتها الفرن وخرجتها وهنا كانت الصاعقه ……الجبنه اتحولت للون البني وكأني كنت عامله حشوة عجوه مش جبنه".

وتابعت: “فكرت كتير اسكت وارمي الوصفه وباقي الجبنه ويادار مادخلك شر 🤷‍♀️……بس لاقيتني متعصبه ومش طايقه اقعد بعد ماتخيلت ان اسرة هاتعمل بيتزا مثلاً تفرح بيها اولادها في ظل الأسعار الصعبه وبعد ماتحط الجبنه علي وش البيتزا تطلعلها البيتزا بني".

واختتمت منشورها: “لبست ونزلت الماركت واتكلمت مع المسئول والمفروض انهم هايرفعوا المنتج من الماركت كله……وقولتله انا هارجع تاني في اي وقت واشوف المنتج اترفع ولا لأ والا هانزل بوست واكتب فيه اسم الماركت واسم الشركة اللي مصنعه الجبنه!!!!!!.. اللي يعرفني يعرف اني مسالمه جداً والتصرف الطبيعي اللي كنت هاعمله اني ماشتريش المنتج تاني وخلاص ….بس حسيت اني مسؤله عن ناس كتير بحبهم ويحبوني من غير ماشوفهم وقررت آخد الموقف ده .. ممكن يبان انه بسيط بس هو بالنسبه لي كان حاجه غير طبيعتي ….اسفه طولت عليكم".

منشور فاطمة أبو حاتي