علاء الدين فؤاد يكتب: الحياة مبتقفش على حد إلا أنا

فى حياتنا بنقابل ناس كتير اللى بيكون صديق لينا أو حبيب واحنا وحظنا يا يكون الشخص ده كويس ونحمد ربنا اننا قابلناه يا يكون مش كويس بنفضل نندم على معرفته كل ما بنفتكره وبنكره حتى اليوم اللى عرفنا فيه الشخص ده.

وفى الوقت ده بنكون محتاجين نتكلم مع حد ونشكيله من اللى حصلنا ونحكيله على احساسنا الصعب اللى بنمر بيه وفيه دايما جمله بنسمعها من الطرف التانى اللى بيحاول يساعدنا.

وهى ( الحياه مبتقفش على حد ) فيه كتير مننا بيصدقها من غير ما يعرف معناها وفيه اللى مش بيقتنع بيها وبيفضل اللى جواه جواه . بس السؤال هنا هل فعلا الحياه مبتقفش على حد ؟؟؟؟ فعلا الحياه مبتقفش على حد بس مش المفروض الأول نحدد مين الحد ده اللى مبتقفش عليه الحياه؟

لازم نعرف ان الحياه فعلا مبتقفش على حد ,,,, الصديق اللى غشنا وخدعنا وعمره ما كان أبدا صديق بمعنى الكلمه لينا.

الحياه مبتقفش على الصديق اللى عمره ما حبنا ولا خاف علينا وكان دايما بيفرح فى كل مره بنسقط فيها وبيتمنى لينا السقوط دايما وعمره ما فكر يساعدناعلى النهوض ، الحياه مبتقفش على الصديق اللى بساعدنا على الفشل ولا بتقف على الصديق اللى ، بيصاحبنا علشان مصلحه منتظرها مننا ولو تمت خلاص مبقاش محتاجنا.

بس الحقيقه الصعبه هنا أن الحياه بتقف على الصديق اللى بيكون لينا اكتر من اخ ، الحياه هتقف لو فرطنا فى الصداقه الحقيقيه مع شخص مش مستنى مصلحه مننا ، مع شخص بتمنى انه يشوفنا احسن علشان يفتخر بينا ويقول ده أنا صديقه ، الحياه هتقف على كل شخص بيحاول يساعدنا ومستعد يساعدنا ومش مستنى مننا ، أجر ولا تمن . الحياه هتقف على ضياع صديق بالشكل ده لأننا مش هنقابل تانى ، منه كتير ويمكن منقابلش من النوع ده من الأصدقاء غير مره واحده بس فى حياتنا.

,,,,,,,,,( الحياه مبتقفش على حد ).............

فعلا الحياه مبتقفش على الحبيب اللى محبناش . على الشخص اللى أدعى انه بيحبنا ، وكل أمله فى الدنيا ديه انه يفضل معانا وفى أول مشكله اختار طريق تانى ومفكرش فينا ، الحياه مبتقفش على الحبيب الخاين ولا اللى كان بيكدب علينا ولا بتقف على اللى كان بيتسلى بينا وأعتبر أن كل ذنبنا اننا حبيناه بجد واخلصنا له بجد وكان لينا حلم ، كل يوم بندعى ربنا انه يتحقق.. الحياه مش هتقف على الحبيب الى غدر بينا وولا هتقف على اى حد هان حبنا عليه وجرح مشاعرنا وأستهتر بينا ..

واكيد مش هتقف على شخص كان كل يوم يفرح كل ما يحس انه قدر يعيشنا فى الوهم ، واننا صدقنا انه بيحبنا . مش هتقف على الأنانى ..

ولكن الأصعب من كل ده ان الحياه فعلا هتقف على كل شخص كان بيحبنا بجد ، وأحنا ضيعنا حبه ده من بين أدينا . هتقف على كل شخص حبنا وجرحناه ، هتقف على الشخص اللى فضل مستنينا وأحنا مهمناش البعد عنه وسبناه لوحده.

هتقف الحياه على كل شخص قال فى يوم من الأيام بحبك وكان حاسس بيها ، هتقف الحياه على كل شخص عاش طول حياته يسمع مننا كلمه واحده.

هتقف حياتنا على كل شخص كان بيتألم مننا وسكت وسابنا نحس لوحدنا ، وأحنا محسناش بيه وفضلنا كل يوم نجرحه اكتر من اللى قبله هتقف حياتنا على كل شخص حبنا من قلبه ومقدرناش نحافظ عليه.

هتقف حياتنا اكتر لو كل يوم عرفنا ان الشخص اللى راح مننا ده بالسهوله ديه ، صعب نقابل حد زيه تانى ولو عشنا اد عمرنا مرتين ,,,,,,,,,, ، هتقف أكتر حياتنا لو عرفنا ان فيه أشخاص مبنقابلهمش غير مره وحده بس.

فى حياتنا ومهما عرفنا غيرهم عمرهم ما هيتعوضوا .. هتقف حياتنا أكيد لو عرفنا ان اللى ضيعناه عمره ما هيرجع حتى لو بكينااللى
باقى من كل عمرنا.

ولكن حياتي انا وقفت علي حد هيا الحياه والامل هي الغد والمستقبل هي التي تسعد من يراها هي الحبيبه والصديقه والام قالوا انها انها مصدر السعاده ولكني ارها مصدر كل ماهو جميل في الحياه انها الفتاه التي سحرت قلوب كلا من رأها فعلا الدنيا وقفت عليها لو حسبت عمري منذ ان جئت للدنيا ابحث عن نفسي وذاتي فمعها وجدت ما ابحث عنه فيوم مولدي هو يوم ان رايتها واحببتها هي يوم ان تملكت فيه قلبي الذي يكن لها حب الدينا وما فيها لو شخص وجد مثل هذه الفتاه وان كنت اشك ان يجدها فعليه ان يتمسك بها حتي اخر يوم في عمره.

فمن لم يقاتل من اجل من احبها لا يحزن عندما يفقدها فالله هو من يزرع الحب في قلوبنا ولا احد ينتزعه غيره فلا تسال مجرب او طبيب في هذا الموضوع عندما اتكلم عن حبيتي بل معشوقتي وملهمتي فاني اتحدث عن عالم بأكمله مليء بالحب والحنيه فهي تساعد اي شخص يلجأ اليها تحنو علي الغريب قبل القريب انها لو كنت اصف تفصيليا فانها ملاك عايش علي هيئه بشر عندما انظر الي وجها المبتسم دائما اري غروب الشمس وعندما يحل الليل اري وجها بدر قمرا ينير اي مكان هي فيه فكيف لاحد عندما يراها الا يعشقها ويعشق روحها الجميله الرقيقه انها الفتاه المشاكسه جدا الخلوقه فتاه برج الجوزاء الساحره التي تسحر قلوب كلا من يراها من يرضي الله عنه من عباده يرسلها كهدبه له وعليه يجب علي اي رجل ان يحافظ علي اغلي هديه كونيه في قبيله من النساء لا تغنيك عن حب هذه الفتاه التي اعتشقها حتي مماتي.

يقولون ان بعض الأشخاص كـ الأوطان فراقهم غربه ، وبعضهم الآخر كـ الأرواح فراقهم ممات هي بقي مثل الروح عندما تفارق جسدي اموت هذا الملاك الصغير ذات الــ 31 عاما لقبت بالحلويات تعشق وﺗﻬﻮﻯ ﺫﻟﻚ ﺍﻟﻤﺠﻨﻮﻥ ﺍﻟﺬﻱ ﻳﻔﺮﺽ ﺣﺒﻪ ﻋﻠﻴﻬﺎ ﺃﻛﺜﺮ ﻣﻦ ﺫﻟﻚ ﺍﻟﺬﻱ ﻳﺴـﺘﺄﺫﻧـﻬﺎ ﻗﺒــﻞ ﺃﻥ ﻳﺤﺒﻬـﺎ ، فهي لا ﺗَﻬﻮﻯ ﺍﻟﻌﻘﻼء ﻣﻄﻠﻘﺎ انا فقدتها للاسف فقدت هديه بعثت لي من السماء ولم استطع ان احافظ عليها ولكني سأظل احبها حتي مماتي وفعلا الدنيا وقفت عليها لان لا حياة بدون روح وهي الروح.