EN
نشرت الإعلامية مي حلمى، بيانا صحفيا مرفق بفيديو من خلال حسابها الشخصي عبر موقع التواصل الاجتماعى "انستجرام" لتعبر فيه عن حزنها الشديد بعد إلغاء فرحها قبل ميعاده ساعتين.
ونشرت "حلمى" مقطع فيديو لها وهى ترتدى فستان زفافها قائلة: "عن وجع كسرة الفرحة، ولا إعلام ولا ميديا ولا دنيا ولا مين شمتان ولا مين فرحان مش فارقلي، كلنا بندور على الفرقعة على السبق اللي يضرب، بس لو هتكلم عن نفسي عمري ما هعمل كده وقت غياب فرحة حد، ومش أي فرحة دي فرحة العمر زي ما بيقولو ..... إزاي ؟ إزاي قدرتوا تعملوا كده لكل الناس وأولهم القريبين".
وتابعت: "إزاي قدرتوا تقولوا كلام غلط وحكايات ماحصلتش إزاي سبتوا فرحتنا على جنب، طيب هقولكم عارفين يعني إيه بعد ما ألبس فستاني أقلعه!! بعد ما خلاص خطوة واحدة من ٤ سنين مستنياها تبوظ بسبب الناس اللي نقلت كلام غلط، مش هقول الميديا، الميديا طول عمرها كده، وقبل ماشتغلها وأنا عارفة أنها كده نتكلم عن الناس الطبيعية ..... إزاي قدرتوا تشمتوا وتفرحوا في وجع غيركم واللي يدعي واللي يضحك واللي يقول أحسن فهموني انتوا بني أدمين ؟ بتخافو ربنا ؟".
وأشارت: "طيب حتىلو نفرض وده فرض إن حد من الطرفين غلطان ليه الدعا عليه والحسبنة ليه، أصله مش زرار هتقوم من النوم تدوس عليه فهتنسى العشرة والسنين وتقعد تدعي وتهين لا لا أبدا مهما حصل بتلاقي نفسك مش طايق كلمة وحشة على الطرف التاني ونفس الكلام للطرف الآخر".
وتابعت: "بعد الهيصة والزيطة مابيفضلش غير الحلو وبيبان الوحش بس كل الاي عايزه اقولهالشدد بتبين، في الآخر حبيت اخرج كلام جوايا من اللي شوفته اليومين اللي فاته والله والله مافرق معايا غير فرحتنا أنا وهو مش أنا بس اللي اتكسرت فستاني الي قلعته بدلته الي اتقلعت ومحدش فاهم حاجه أهالينا اللي زعلانين علينا".
وأشارت: "ماكنتش ناوية اتكلم بس كلام جوايا وكنت عاوزه أقولهمحدش بيرضي في عشرةعمره لو عامل فيه ايه مابيرضالوش الوحش ولا دعوةواحدةبالغلط عشان ماحدش كان عارف ايه اللي حصل معظم الناس انا كنت هناك انا كنت حاضر انا كنت شاهد ... كنت دعيت ربنا يهدي الدنيا ويجمعهم في الحلال بدل ما كنت حكيت اللي سمعته مش اللي شوفته احساس صعب فرحة عمرك تتكسر قدامك بعد سنين مستنيها ساعتها ولا بيفرق شكل من كلام ناس من دنيا".
"فرحةفستان #بتاعت_الراديو راجعة راجعة إن شاء الله هنحكي كل حاجة وهنقول كل حاجة بس في الوقت الي احنا عايزينه مش اللي الناس عاوزاه.... نصيحة من قلبي لكل اتنين متجوزين عايزين يسيبوا بعض لكل اتنين مخطوبين لكل اتنين بيحبو بعض "الحب مابيتبعش" ولو ضيعتوه والله ما بيجيتاني امسكو فيه مهما حصل اكيد هنطلع ونتكلم بس ادونا شوية فرصتنا مع بعض بعيد عن الأضواء وعاوزة دعوة حلوة لينا أرجوكم".
View this post on InstagramA post shared by Mai Helmy (@maihelmy.official) on
