حنان ترك توجه رسالة إلى فتاة التحرير

ابدت الفنانة حنان ترك دهشتها من التفاصيل المتعلقة بالفيديو المنتشر والذى يخص فتاة التحرير قائلة : يا ريت كلنا نشوف الفيديو ده ونشوف الراجل والست الكبار اللي ظهروا في الثانية ٣٤ (الراجل لابس قميص أبيض والست لابسة بلوزة حمراء) .. شوفوا العساكر والضباط عملوا فيهم ايه في الدقيقة الأولى والثانية ٤٢ .. الراجل والست رجعوا لانقاذ البنت اللي بتنضرب فتم الهجوم عليهم وضربهم هما كمان ولم يشفع لهم سنهم أو إنهم مالهمش أي علاقة بالأحداث .. الضرب بيحصل بوحشية تؤكد إن الجنود دول تم غسل دماغهم .. مستحيل يكون اللي بيدرّبه بيقول له يضرب مصريين وظيفته حمايتهم وحماية أرضهم .
ووجهت ترك رسالة عبر صفحتها على الفيسبوك الى فتاة التحرير قالت فيها : رسالة لاختى ضحيه التحرير :
ماتخفيش انتى مستورة فى عيوننا وقلوبنا ماتخجليش من صورتك , الى اتعرى مش جسمك صدقينى ماحدش ركز فى جسمك , الكل ركز فى الكلاب الى اتلموا حواليكى , وقلوبنا قبل عيوننا ستراكى انتى اشرف من رأتها عينى.
قلبى بجد معاكى.