أول تعليق من مدرس بلقاس بعد مقطع "أمي قالتلي مفيش واحدة هتبصلك"

بعد انتشار مقطع فيديو أثار الغضب ضد مدرس لغة إنجليزية في بلقاس بمحافظة الدقهلية، حيث قام بتصوير "سيلفي" مع الطالبات يتحدث عنهم بطريقة رآها الكثيرون غير مناسبة.

علق المدرس «محمد ضياء» من بلقاس بمحافظة الدقهلية من خلال موقع صدى البلد على ردود الأفعال الغاضبة تجاه مقطع الفيديو الخاص به.

يقول ضياء: "الفيديو متصور في حصة مراجعة بعد امتحان مادة تانية وكنت بصور فيديو عشان يغير شعور الطلبة بخنقة الامتحانات والنظام الجديد وبهزر معاهم.. وده فيديو من سنتين تقريباً.."

البنت زي اختي

وبرر وصفه إحدى الفتيات بكلمة "الحتة اللي جنب المروحة" قائلًا: "البنت اللي جنب المروحة زي أختي الصغيرة وقعدت عندي ٣ سنين ثانوي والحمدلله علي قد مانا فاكر دخلت آداب انجليزي.. اللي انا متخرج منها".

وأضاف: "90% من الناس اللي معلقة لا اعرفها ولا يعرفوني ولا شوفت منهم شر ولا شافوا مني شر.. الطلبة نفسها عارفة الفيديو ده كان متصور في سياق ايه وامتي وازاي..! ونفس الحصة اللي الفيديو ده متصور فيها.. الحمدلله بيتوحد فيها ربنا فوق ال ٢٠٠ مره.. ( وحدنا الله )".

وعلق مدرس بلقاس على الضجة التي أثارها الفيديو عبر مواقع التواصل الاجتماعي قائلًا: "للأسف السوشال ميديا بقى حالها صعب جداً والناس لا حول ولا قوة إلا بالله بقت مبتعرفش تعمل حاجة في حياتها غير الشتيمة واغتياب الناس..".

واختتم بتوحيد الله مضيفًا: "اللهم إني أتصدق إليك بصدقة فاقبلها: اللهم كل من ظلمني، سبني، شتمني، أو اغتابني من المسلمين فاجعلهم في عافية، وفي حل، وفي عفو.."، وكرر: "اللهم إني قد تصدقت بعرضي على عبادك"، "وقول كل اللي نفسك فيه.. بسم الله الرحمن الرحيم.. (مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ) صدق الله العظيم..".

الرد على الاتهامات بالتحرش 

وعن اتهامه في عدد من التعليقات بسوء الأخلاق والتحرش قال المدرس محمد ضياء من محافظة الدقهلية: "هستعين برد من السيد المسيح عليه السلام.. (من كان منكم بلا خطيئة فليرمها بحجر) ورد من الدين الإسلامي.. (إن الله يدافع عن الذين أمنوا)".