EN 
حول الفنان مكسيم خليل حسابه عبر إنستجرام إلى أداة للبحث عن المفقودين في الزلزال.
وأوضح مكسيم أن السوريين بحاجة إلى معدات ورافعات حتى يستطيعوا إخراج العالقين تحت الأنقاض، وقال "بعض الأشخاص قد يعيشون يومين وثلاثة وأربعة في حال تم إيصال الأوكسجين لهم، وبالمقابل هنالك أبنية يمكن أن تنهار بأي لحظة نتيجة التصدعات التي أصيبت بها"، وطالب بضرورة إيصال المساعدات كي لا يقتل آخر أمل لهؤلاء الناس.
مكسيم خليل
دعا الفنان مكسيم خليل الفنانين والمشاهير لفضح أى شخص يقوم بسرقة المساعدات الممنوحة إلى سوريا.
وكتب مكسيم خليل عبر حسابه على إنستجرام: "نداء لأصحاب الضمير، بتقدر تحكي شو شفت وتفضح هدول الاشخاص بالاسم تحت، بالصور المرفقة عينة من رسائل كتيرة عم توصل إنه هلأ وبهذا الوقت المأساوي يلي عم يعيشوه السوريين وبعد مرور كم يوم على وحدة من أكبر الكوارث .. المصحوبة بعواصف وبرد قاسي هالوقت يلي الناس عمتستنى خبر عن احبابها او عن لهفة من حدا".
وتابع "مع الأسف في ناس تسرق وتخبي وتبيع الإعانات .. في منهم شيوخ وفي منهم مخاتير وفي منهم هلال ومنظمات وفي منهم جيش وتجار.. طبعاً البعض لانه اكيد في ناس عمتشتغل بكل إخلاص.. يلي عماحكيه موجود بكل مناطق سوريا بلا استثناء ..حلب ،اللاذقية ، جبلة ،ادلب ، جنديرس .الخ".
وأضاف "ما بعرف شو ممكن يقول الواحد ..لانه اكيد يلي بيعمل هيك وبهيك وقت معدوم الضمير والإنسانية و مافي شي ممكن يخليه يفكر بإخوته السوريين المتضررين ولا حتى بالسوريين يلي في منهم قرر يشيل اللقمة من تمه ليساعد اهله بسوريا، هدول الاشخاص يلي عم يستغلوا الوجع ليحققوا ربح.. الامل منهم مقطوع …ندائي هو للناس الحقيقية والنضيفة..ندائي هو للمؤثرين والفنانين انهم يساهمو بضبط هدول الامور ..انتو يلي بتقدرو تفضحو هدول الناس و تحطوهن قدام الاجراءات القانونية المناسبة".
اختتم "برجع بأكد الموضوع ما بشمل الجميع بس الأكيد انه عميأثر على كل اشكال التبرعات المالية والعينية. يلي ماعنده ضمير مارح يفيق هلأ ضميره، بس الامل بلي عنده ضمير، وانا رأيي ممكن يكون هون مكان تحكوا شو عم يصير و شو شفتو بالاسم".
