المخرج أحمد خالد أمين يخضع للجراحة لانفجار قرحة بالمعدة

طمأن المخرج أحمد خالد أمين جمهوره عليه بعد تعرضه لوعكة صحية، وذلك عبر حسابه الشخصي على موقع التواصل الاجتماعي فيسبوك.

وكتب: "الحمد لله والشكر لله ربنا كبير اوي علشان ابقي بكتب دلوقتي بايدي وفايق كده ده بفضل ربنا وتسخير عباده الصالحين.. انا عملت عمليه كبيره بس الحمد لله عدت علي خير وهخرج من المستشفي خلال ايام..عمليه ثقب في الاثني عشر بسبب انفجار قرحة في المعدة العادات السيئة يا جماعه بطلوها ارجوكم افطروا واشربوا ماية.. الصحة كنز لا يفني".

وتابع: “عاوز اشكر كل اللي لحقوني وكانوا جانبي استاذ جورج رمسيس المنتج الفني كنت اكتر من اب، وجورج الصغير الراجل اللي مفيش منه راجل من ظهر راج، وشيرين اكمل الست الجدعه الاصيله، وايهاب فهيم بجد مش عارف الاقي كلام يعبر عن اللي عملتوه، وخواتي واصحابي اللي طلعت بيهم، محمد وجيه ومحمد السعدني اللي عنده اصحاب زيكم الدنيا بخير، وعيلتي كلها وعيله دينا زوجتي كلهم واخيرا وليس اخرا ام عيالي اللي مفيش منها اللي قاعده جانبي ٤ ايام انا بنام وهي صاحيه ربنا يخليكي ليا ولولادنا ان شاء الله ايام واكون في البيت في وسط لمه البيت والحمد لله اولا واخيرا دعواتكم”.