EN 
كشف عصام شعبان عبد الرحيم في تصريح خاص لصدى البلد ، عن تفاصيل مشكلته مع مؤدي المهرجانات مجدي شطة.
وقال عصام شعبان عبد الرحيم : اتقابلنا في فرح من كام يوم كنا بنغني فيه وحصلت مشكلة بيننا ، وجالي ومعاه 2 بودي جارد وقالي مش عاوزك تغني في فرح أنا فيه تاني".
فيديو مسرب بين مجدي شطة وعصام شعبان عبد الرحيم:
وتداول رواد موقع التواصل الاجتماعى فيديو مسرب لمؤدى المهرجانات مجدى شطة وهو يتهجم على عصام شعبان عبد الرحيم ابن المطرب الشعبي الراحل فى مكتبه ويهدده.
وكشف الفيديو عن سبب تهجم مجدى شطة على عصام شعبان عبد الرحيم حيث ظهر مجدى و بجواره بودى جارد ويوجه حديثه إلى عصام قائلا: أنا صبرت عليك كتير، عشان خاطر عم شعبان عبد الرحيم، قبل كده وهو في فرح تطلع المسرح وتقعد تحفل عليا مينفعش.
وأكد مطرب المهرجانات مجدي شطة في تصريح خاص لصدى البلد، أنه حالته الصحية بخير ولا يعاني من أي أمراض خطيرة كما أشيع في الساعات الأخيرة.
وقال مجدى شطة:" أنا زى الفل ، كان عندي شوية برد وخفيت الحمد لله ، أعراض البرد هي اللي كانت مأثرة على شكلي في الفيديو ".
وكان مجدي شطة قد ظهر في فيديو وهو بوجه يبدو عليه التعب وفقد بعض من وزنه ، وهو ما جعل البعض يفسر أنه قد أصيب بمرض خطير.
مجدي شطة يعود بعد غياب
بعد اختفاء طويل، عاد مغني المهرجانات مجدي شطة للظهور مجددا والتواصل مع جمهوره.
ونشر مجدي شطة فيديو عبر حسابه على فيس بوك ، ظهر فيه بشكل مختلف بعدما خسر بعض الوزن، وأوضح أنه غاب لأسباب شخصية دون الكشف عنها.
وقال مجدي شطة في الفيديو: "مجدي شطة بيحيكوا، قبل أي كلام هقولكم الأسباب ولا مش هينفع أقولكم الأسباب اللي كنت فيها، مش هينفع أقولكم لأني كنت في أسباب شخصية وربنا الأعلم ومش هقولكم أكتر من الكلمتين دول"
