نوع لبن شهير يحتوي على دهن الخنزير |منتشر بالاسواق ويثير رواد الفيسبوك

تداول مستخدمو فيس بوك صورة لنوع لبن شهير يحتوي علي مادة  E471 والذي أشار الكثير أنها من دهن الخنزير .

  وردت الدكتورة سماح نوح رئيس قسم الإرشاد البيطري  علي صفحتها الشخصية وقالت “بمناسبة البوست بتاع اللبن اللي فيه مادة E471 واللي الكل قال إنها من الخنازير وحرام” 
 

وأضافت “ببساطة المادة دي E471   مشتقة ومصنعه من مصدر دهون وزيوت أما حيوانية أما نباتية  بالراحة كدا” 
 

دهون حيوانية ممكن تكون من أصل دهون لحوم بقرية وهنا هتبقي حلال  وطبعا أن يكون الدبح إسلامي،  أو من دهون نباتية وزيوت زي مثلا دهون الصويا وزيت النخيل".
وهنا هتكون حلال او من دهون حيوانات محرمه زي الخنازير 
يعني مش قاعدة أنها محرمة أو من خنزير  بالذات 
 وتابعت " تعالي بقي الصورة المنتشرة دي بتاع اللبن هتلاقي في السطر الأول حليب بقري .وطبيعي ومعقم..وبعدها مادة E471 ..ومادة E407 وبالتالي هنا مافيش خوف لأنها من أصل دهون بقرية 
يعني لما تقرا هنشوف مصدر المادة اولا هتلاقي مثلا منتجات الغذاء الخاصة ب النباتيين ..هتلاقي المادة دي من اصل  نباتي زي زيت النخيل أو دهون صويا  وبالتالي حلال.
طب لو فيه منتج مبهم أو مجهول المعالم ومافيش علامة توضح حلال أو حرام يبقي نتجنب الشبهات. 
فيه منتجات مكتوب فعلا عليها انها تحتوي علي دهون خنزير أو مواد أخري زي الصورة التانية دي لنوع من الشوكولاته يعني بلاش خوف ورهبة للناس الحرام بين والحلال بين. 
ياريت نقرأ أي معلومات علي اي منتج قبل الاستخدام للأمان.