EN 
كشف الفنان محمد رمضان، عن كواليس فيلم هارلي المنتظر عرضه في موسم عيد الفطر المبارك، وذلك من خلال لقاء له عبر راديو 9090.
ورد محمد رمضان، على الانتقادات التي وجهت له من خلال فيلم هارلي، قائلا إن كل مشروع يقدمه يخاطب شريحة معينة من الجمهور، وعلق: «هارلي ده فيلم سينما.. وجمهور السينما بيختلف تماما عن جمهور الدراما.
وتابع محمد رمضان: «في السينما أنا بخاطب شريحة عمرية وهم رواد السينما الحقيقيين هما من سن اتناشر سنة لسن تمانية وعشرين سنة.. دول جمهور السينما الحقيقي وأنا اخترت فيلم يخاطب هذه الشريحة ويمثلها».
واستكمل محمد رمضان: «هارلي هو شاب ينتمي لهذا الجيل اللي هو ممكن يكون بيختلف عن جيلي وعن الجيل اللي قبلي .. جيلي مكنش عنده انستجرام .. وهذا الجيل عامل فولو لكريستيانو اللي هو عامل حلق او فلان .. وكلنا بنعاني مع ولادنا ان هم بيقلدوا اللوك بتاع بعض.. وهو شيء عادي بالنسبة لجيل جديد».
واستطرد محمد رمضان: «هو ده الممثل يعني الممثل الحرباء إن هو ازاي يبقى في كل أرض لون الأرض دي.. وهو طبعا نقلة غريبة جدا من جعفر العمدة زي وان شاء الله الناس لما تشوف الفيلم هيشوفوا النقلة اكتر كمان ازاي شخص بيمشي ماشية مختلفة طريقة كلامهم مختلف في اكشن تقريبا في السينما اكشن او ورومانسي وفي كوميديا».
وأضاف محمد رمضان: «أنا كنت عامل في السينما قلب الاسد وعبده موتة وواحد صعيدي بس لما رحت الدراما عملت ابن حلال لأن أنا عارف اني داخل الدراما وأنا ضيف عندك في البيت.. فلازم أبقى حريص إن هبقى لابس ايه؟ وهتكلم ازاي؟ وهقعد ازاي؟».
واختتم محمد رمضان: «بإذن الله فيلم هارلي يكون يعني ثقة في الله بتنبأ إن هو يكون أعلى ايراد في مسيرتي السينمائية إن شاء الله».
محمد رمضان وفيلم هارلي
وكان النجم محمد رمضان، قد أعرب في وقت سابق عن سعادته بالتعاقد مع المنتج سامر المحضر على بطولة فيلم "هارلي"، وقال رمضان، عقب توقيع العقد إن الفيلم مقرر عرضه فى عيد الفطر المبارك، ويأمل أن يكون بداية لانطلاق عدة مشروعات أخرى مع سامر المحضر.
يشار الي أن الفيلم انتاج رويال صن "سامر المحضر" ومنتج منفذ محمود الشيخ، واشراف عام على الإنتاج محمد ناصف، واخراج محمد سمير وتأليف محمد سامي ومحمد سمير مبروك ، ومدير تصوير احمد عبد القادر ، وبطولة محمد رمضان، مي عمر، محمود حميده، احمد داش، مي كساب، اسماعيل فرغلي.
