"طيارة" ينفعل على جماهير الاتحاد السكندري عبر "فيس بوك"

أعرب محمد إبراهيم "طيارة" لاعب مصر المقاصة السابق عن استيائه من الهجوم الشرس الذي تعرض له بعدما أعلن عبر صفحته الشخصية على موقع التواصل الاجتماعي " فيس بوك " اعتذاره عن قبول عرض للانضمام لنادي الاتحاد السكندري.
ووجه طيارة رسالة لكل منتقديه عبر صفحته قائلا: "يا جماعة عشان الناس اللي عمالة تغلط فيا وهي مش فاهمة حاجة، نادي الاتحاد شرف لأي لاعب وجمهور اسكندرية علي راسي من فوق وكل اهل اسكندرية عسل وناس محترمة وانا كان نفسي ويشرفني طبعا اني العب في الاتحاد ده حلم لاعيبه كتير بس توضيح للناس اللي عماله تشتم وتغلط فيا الغلط مش من عندي الغلط من عندكم الناس اللي في الادارة كل يوم يغيرو الأتفاق وكل يوم الفلوس تقل اللي اتفقنا عليها تتغير والميعاد يتغير المفروض انا اعمل ايه يعني مش فاهم فياريت كل واحد بيشتم ويغلط يعرف الحقيقة بدل ماهو مش فاهم حاجة وعمال يفتي وخلاص عشان الواحد اتخنق الصراحة من كتر الكلام في الموضوع ده".
تجدر الإشارة إلى أن العديد من الموقع الرياضية على شبكة الانترنت قد تناولت أخبار عن رغبة طلعت يوسف المدير الفني للفريق الأول بنادي الإتحاد السكندري في تواجد " طيارة " ضمن صفوف الفريق خلال المرحلة القادمة إلا أن اللاعب اعتذر عن قبول العرض وهو الأمر الذي قوبل بالهجوم من عشاق قلعة زعيم الثغر على " طيارة " ما اضطره للرد عليهم.