ميدو: فيتوريا النسخة المستحدثة من كيروش.. ولست متفاجئًا بفوز مصر على بلجيكا

انتقد أحمد حسام ميدو، فكرة التقليل من أهمية فوز منتخب مصر على بلجيكا بهدفين مقابل هدف وديا.

وقال ميدو في تصريحاته عبر برنامجه: الريمونتادا على قناة المحور: "زعلان ومستاء من التقليل من فوز منتخب مصر على بلجيكا، فهو منتخب أوروبي كبير، وكل اللاعيبة الكبيرة عارفة إن اللاعب اللي مش عايز يتعور؛ هو اللي بيلعب جامد، وده اللي حصل، لاعيبة بلجيكا مخافتش على نفسها، وكانت بتلعب كورة".

وأضاف: "ليه مش بنبص لنص الكوباية المليان، روي فيتوريا يجيد قراءة الخصوم، ويجيد خوض المباريات الكبيرة".

وواصل: "فيتوريا هو النسخة المستحدثة لكارلوس كيروش، فهو من المدرسة الحديثة القادرة على الموازنة بين الهجوم والدفاع".

وختم حديثه قائلا: "مش متفاجئ من أداء منتخب مصر أمام بلجيكا مع فيتوريا، منتخب مصر يملك مدربا كبيرا، وعندنا لاعيبة مميزة".