EN 
كشف حسام عاشور لاعب الأهلي السابق، تفاصيل حديثه مع شيكابالا خلال مباريات القمة بين الأهلي والزمالك وسر نصيحة مانويل جوزيه.
وقال عاشور خلال حواره ببرنامج " كابيتانو،:" مانويل جوزيه قبل كل ماتش قمة كان يقولي ملكش دعوة بحد غير شيكابالا وكنت بقعد قبل المباراة بـ 3 أيام اذاكر شيكابالا فقط وتحركاته وتصرفاته داخل الملعب.
وأضاف حسام عاشور: "شيكابالا مهارة بشكل مش طبيعي ولاعب من أحسن اللاعبين في مصر علي مدار التاريخ ولديه إمكانيات كبيرة والحمد لله كان ربنا بيوفقني قدامه في مباريات القمة".
وأكمل حسام عاشور:" شيكابالا قبل كل ماتش قمة كان كل ما يشوفني يقولي يا صباح الضرب مش هنخلص هتلزقلي، متابعا:" علي المستوي الشخصي أنا بحبه ولو سألته مين غلس عليك في الملعب هيقولك عاشور".
