بسنت حاتم: كنت بخاف وبتوقع الردود السلبية أكتر

تحدثت الفنانة بسنت حاتم عن دورها في مسلسل "بيت الشدة"، قائلة: "طول عمري كنت بتخيل، أن أول تجربة ليا، هتبقي كوميدي؛ لكن دوري في بيت الشدة كان مختلف تماماً".

وأضافت بسنت حاتم أثناء استضافتها مع برنامج "صباح الورد" المذاع على فضائية "تن"، قائلة: "المشاهد على الورق مش بتتفهم بسرعة، لازم تقرأها كذا مرة، وتشوف الشخصية متعصبة ولا خايفة".

وتابعت: "الناس القريبة مني، بعد ما شافوا المسلسل، قالولي بسنت إحنا مكناش متخيلين أنك هتعملي كده، لأنهم شافوا حاجة غير بسنت، مش أنا خالص".

وأوضحت الفنانة بسنت حاتم، قائلة: "ردود الناس أنا مكنتش متوقعاها خالص، بالعكس أنا كنت خايفة، وكنت بتوقع الردود السلبية أكتر، بس الحمدلله ده محصلش".