هاشتاج افتحولنا التتش يتصدر تويتر.. ومغردون: بجمهورك مفيش مستحيل

تصدر هاشتاج "افتحولنا التتش للدعم" موقع "تويتر" لدعم لاعبى فريق الأهلى قبل موقعة صن داونز الجنوب أفريقى فى بطولة دورى أبطال أفريقيا يوم السبت المقبل.

وتفاعل نشطاء تويتر مع الهاشتاج بشكل كبير، حيث جاءت بعض التغريدات كالتالى:

‏‎#افتحولنا_التتش_للدعم
" ستة مش بعاد واسألوا الاتحاد، ستة سهله تيجي واسألوا الاسماعيلي، ستة مش في الحلم واسألوا النجم، ست اجوال سهلين واسألوا المقاولين، ستة مش كتير واسالوا بيبو وبشير .. احنا الأهلي خليكوا فاكرين".

‏الاهلي عندي كل حياتي ‎#افتحولنا_التتش_للدعم.

"ذتلك الجمهور ...لا يكل ..لايمل...لا يياس ...جاهز للدعم فى الصعوبات قبل الانتصارات جمهور يدعم الكيان لا الافراد ‎#افتحولنا_التتش_للدعم".

‏6 مش كتير اسألو بيبو وبشير ‎#افتحولنا_التتش_للدعم.

‏بجمهورك. مفيش مستحيل #افتحولنا_التتش_للدعم.

‏ياريت تفتحولنا التتش علشان اللعيبه الجديده تعرف عظمة الاهلي بجمهوره ‎#افتحولنا_التتش_للدعم.

‏الأهلي قادر علي التعويض و بخماسية أيضًا فالمستحيل ليس أهلاوي مع الإعداد النفسي و الدعم الجماهيري ممكن نصعد ‎#افتحولنا_التتش_للدعم.

ويستضيف الأهلى نظيره صن داونز يوم السبت المقبل فى إياب ربع نهائى دورى أبطال أفريقيا.

ويحتاج المارد الأحمر للفوز بخماسية نظيفة من أجل معادلة نتيجة مباراة الذهاب أو الفوز بسداسية لحجز بطاقة العبور لنصف النهائى.