EN 
علقت الإعلامية ميرفت المليجي، مذيعة قناة النيل للأخبار، والتي قدمت التغطية على الهواء من داخل الاستديو، لجنازة الرئيس الأسبق محمد حسنى مبارك، على أحد الفيديوهات المتداولة عبر السوشيال ميديا، يظهر فيه مذيع ، أخطأ على الهواء، باستبدال أسماء الرؤساء، خلال تغطيته مراسم جنازة الرئيس الأسبق مبارك، وأدعي البعض أنه في قناة النيل للأخبار.
وقالت عبر حسابها على موقع التواصل الاجتماعي: "ده فيديو منتشر جدا أن مذيع في النيل للأخبار غلط في التعليق على الجنازة.. وهاتك يا شير بقي وشتيمه في مذيعين ماسبيرو والنيل للأخبار وكلام في منتهي قلة الأدب"
وتابعت:"واللي بيشتموا ويشيروا مكلفوش خاطرهم أنهم يسمعوا الڤيديو اللي هيكتشفوا ان اللي بتقرأ مذيعة ومش مصرية واللكنة شامية ولكن القناة واخدة الصورة نقلا عن النيل للأخبار".
واردفت قائلة: "حقيقي أنتوا اللي بتوقعوا مؤسساتكم وإعلامكم وبتهدوا في بلدكم بدون وعي .. والغريب أكثر أن اللي بيشير الكلام ده ناس بتشتغل في الميديا وعارفه قيمة الكلمة.. علي فكرة انا اللي كنت علي الهوا في الوقت ده".
