EN
علق الرئيس عبد الفتاح السيسي على مطالبات الشباب بإنجاز انتخابات المحليات والإعلان عن موعدها، قائلا: «أضم صوتي إلى صوت الشباب بضرورة إنجاز انتخابات المحليات، والكلام ده كان المفروض السنة اللى فاتت، لكن بصراحة الدستور الجديد يتطلب تشريعات جديدة، وبقت تتحط أولويات ضاغطة على البرلمان، وفي حجم ضخم جدا من القوانين تم إصدارها الفترة اللى فاتت عشان تتواكب مع الدستور الجديد».
وأضاف الرئيس السيسي، خلال كلمته في الجلسة الأولى بعنوان "تفعيل الحياة الحزبية" بالمؤتمر الدوري الرابع للشباب: «تاني بقول، إذا كنا عاوزين نحارب فساد بجد وعاوزين نمكن شباب بجد، ونطمن على إن في أساس موجود في كل مصر، لازم الموضوع ده يتم إنجازه بسرعه ونعلن معاد للشباب، واوعوا تختارو غير الأفضل ليكو ولبلدكم».
واستطرد الرئيس: «أنا داعم لأي فكرة انتوا بتقولولها حتى لو النتائج بتاعتها كانت خطأ، لأن إحنا هنتعلم من أخطاءنا بعد كده، وأنا داعم ليكم ولأفكاركم، وإن شاء الله هنشوف الكلام ده في التوصيات النهائية للمؤتمر».
