EN 
سؤال يعتبر عفويا ، وممكن يكون لبعض الناس سهل جدا الإجابة عليه، و الإجابة منطقية جدا. المفاجأة هنا، إن فعلا في فريقين، فريق يجاوب بالإجابة، طبعا كروية، و إلا هيكون اسمها المسطحة الأرضية مش الكرة الأرضية. و فيه فريق تاني من الناس إجابتهم طبعا الأرض مسطحة.
أنا أحمد فريد "عمليات الفضاء في وكالة الفضاء الألمانية".. في مقالاتي اللي كتبتها قبل كدا، في فعلا جزء من الناس يعتقد أن الأرض مسطحة طبعا مع احترامي الشديد لكل الآراء و الاعتقادات ، وده سبب كتابتي للمقالة دي لأن تجاهل الرأي الآخر هو في ذات نفسه جهل.
وكمان عايز أوضح إن الناس المعتقدة بأن الأرض مسطحة هو إعتقاد عالمي يعني مش أول مرة أسمع وجهة النظر دي عندنا في الشرق الأوسط و لكن سمعتها قبل كدة في الغرب، أمريكا وأوروبا و كندا.
وده معتقد عالمي اسمه Flat Earth Sociaty أو جمعية الأرض المسطحة المعتقد ده مبني على تكذيب كل الأدلة العلمية على أن الأرض كروية. بداية من أن علم الفضاء هو أكذوبة ومفيش وجود للهبوط على سطح القمر وأن وكالة الفضاء الدولية هي إستوديو في مكان في الأرض, ده غير أن الاعتقاد بأن الأرض هي مركز الكون وكل حاجة بتلف حواليها.
طبعا مع إنكار وجود نجوم تانية في الكون وأن السماء فيها زينة مش أكتر من كدة وإيجاد دلائل من كل حتة سواء كانت دلائل بمفهوم ديني أو بمفهوم نظرية المؤامرة,وطبعا الشمس والقمر صغيرين جدا وموجدين فوق الأرض بيمشوا بشكل سطحي حواليها ومش بطريقة دوران حوالين الأرض طبعا أنا كنت بتجاهل كل المعتقدات دي لأن كروية الأرض هيا حاجة بديهية مش عايزة أي إثبات, لكن افتكرت حاجه خطيرة جدا هي إن أنا نفسي أعتقدت في يوم من الأيام أن الأرض مسطحة.
ودا لما كنت صغير جدا، لأن الأرض فعلا بالنسبة لي كانت "علطول" مش بتلف لما أوصل لاخرها، لغاية ما في يوم كنا بلد ساحلية مع بابا وماما وشفت سفينة بعيدة في البحر ، و لكن بتختفي، مع إن ضوء النهار موجود طبعا كان عندي اعتقاد إن السفينة بتغرق ، بقيت بشاور على السفينة وأقول لبابا ، السفينة بتغرق.
طبعا هو متجاهلنيش وسابني على أساس إني ولد صغير و مش فاهم حاجه لسة. بالعكس، أداني كل الإهتمام، بأبتسامة جميلة ووضح لى أن اللي بقوله ده غلط السفينة مبتغرقش ولا حاجة. و الناس إللي عليها مبسوطين، بس هيا بتختفي تدريجيا علشان الأرض كروية و زى أي حاجة على سطح كروي بتختفي من الآفاق علشان بتنزل الناحية التانية.
طبعا أنا دا كانت أول مرة في حياتى أعرف إني الأرض كروية أصلا . مش مشكلة السفينة دلوقتي د أنا كنت مقتنع جدا إن الأرض مسطحة و بإجابته دي رد على أسئلة كتير في دماغي مسألتهاش أصلا علشان كنت فاكر أنها منطقيا صح. طيب يعني الأرض كروية، يعني الناس اللي على الأرض بس من تحت ، دول بيقعوا ولا بيحصلهم إيه و ده كان حالي ساعتها بالعامية كدة (متبرجل )
طبعا عقل الإنسان في أي مرحلة عمرية بالضبط زي عقل الطفل في بعض الحاجات. لأن مفيش حد عارف كل حاجة في الدنيا وهنا تطغى نظريات أعتقاد إن الأرض مسطحة بيقولو ، ده مثل السفينة ده مشهور أوي ومبنشفش السفن علشان الضباب مش أكتر وأن فعلا مفيش جاذبية وضد العلم كمبدأ .
يعني لا مش مقتنع بعلم الفضاء وأن مفيش حد طلع الفضاء وكل دا كذب و إستديوهات . إختلاف فصول السنة بتدل على إن الأرض كروية. وجود الليل و النهار ، القمر اللي بتشوفه ده دليل . و بعدين يبقى شكلنا وحش أوي لا كل الكواكب التانية دي كروية و إحنا بس اللي عايشين على أرض مسطحة.
إختلاف فصول السنة في نفس الوقت زي مثلا شمال الأرض تكون صيف وجنوب أفريقيا شتاء
السفر بالطائرة مثلا من اوروبا إلى نيوزلندا ، في طيران ترانزيت في سنغافورة و بعدين نيوزلندا . و في طيران تاني بترانزيت في أمريكا وبعدين نيوزلندا . و الاتنين بتكون رحلة الطيران نفس الوقت تقريبا فى دي في طيارة في إتجاه و طياره تانيه في إتجاه تاني خالص وبيوصلو في نفس المكان في نفس الوقت وده مش ممكن يحصل غير لا كانت الأرض كروية . و ده مالهوش تعارض مع أي دين ، علشان زىما ذكرت فوق أن الإعتقاد ده موجود حوالين الكره الأرضية كلها مش في الشرق الاوسط بس ، يعني مع اختلاف الأديان و الاعتقادات و ده لايتعارض مع العلم .و زي ما إحنا عارفين إن أول كلمة نزلت في القران الكريم تشير إلى التعليم هي كلمة (اقرأ)
واحد زائد واحد يساوي إتنين ، السماء زرقاء ، الأرض كروية...
