EN 
أثارت إصابة مصممة أزياء بورسعيد الشهيرة رحاب حامد بسرطان الثدي حالة كبيرة من التعاطف والدعم الشديد على وسائل التواصل الاجتماعي، خاصة داخل محافظة بورسعيد نظرًا لشخصيتها الجميلة الخيرة وتصميماتها التي تنال إعجاب الكثيرات من الفتيات والسيدات داخل مصر وخارجها خلال 15 عامًا من العمل الجاد شُهد لها فيها بحب الوطن والعمل المجتمعي ومواجهة أي تحديات في الصناعة.
روت رحاب لـ « صدى البلد» تطورات حالتها الصحية، قائلة: " اكتشفت إصابتي بسرطان الثدي قبل رمضان بشهر وتابعت مع دكتور ببورسعيد، وكان تعبي يزيد وتقبلته وتعايشت معه لفترة، كما بدأت في أخذ علاج وعمل إشاعات، لكان ما زال التعب مستمر؛ فرجعت للدكتور مرة أخرى ليخبرني أنه يلزمني اجراء عملية استئصال لأحد الثديين، قررت تأجيلها إلى أن فؤجئت بصديقتي قد حجز لي معاد للعملية و بالفعل أجريتها منذ أيام قلائل وأرجو أن يتم الله شفائي على خير" .
تابعت " حامد" : " مكنتش قايله للعيله إن هعمل العملية وأنا شخصيًا معرفتش إنه تم تحديدها إلا قبلها بحوالي ١٠ ساعات، وأتوجه بالشكر لكل من وقف معايا ماديًا ومعنويًا- مدينة لهم بالكثير- وإن شاء الله هشكرهم فردًا فردًا لما صحتي تسمح".
لفتت مصممة الأزياء الشهيرة إلى أنه دائمًا ما يشهد لها بقوتها في مواجهة الأزمات في عملها والصبر علي التحديات، معلقةً: " الحمد لله ويا رب اقدر أرجع تاني أقوي من الأول وساعد كتير من أهل بلدي".
نصحت السيدات بضرورة الاهتمام بصحتهم وإجراء الكشف المبكر والدورى لسرطان الثدى، مختتمًا: " الحمد لله فى السراء و الضراء رحلة علاجي ما زالت مستمرة وسط العديد من المشاعر المتناقضة من الفرح بحب الناس وكسرة المرض، لكن يبقي الحمد الله ويكفيني دعائكم لي لاتكمن من مواجهة المرض واستكمال مسيرة العلاج".
وجاء في آخر منشور لرحاب على صفحتها الرسمية بموقع" فيسبوك" قبل إجرائها العملية: " أنا بمر بمرحلة انتقالية نفسية سيئة جدًا، واقعة ومش عارفة ولا قادرة أواجه، أنا مش كويسة ومش عارفة هكون كويسة إمتى أو مش هكون.. شعوري بالرفض تجاه كل حاجة بتحصل حواليا مخلياني مش عارفة أعيش ومش قادرة أقاوم اللي حساه ومش بفكر غير إني أتخلص من الحياة دي، كل اللي بتمناه إن تكون دي فعلًا مجرد مرحلة انتقالية وده مجرد وقت هيعدي .. ادعولي واتمنولي السلام إن أمكن".
وانهالت التعليقات الداعمة لها على الفور، وكان منها:" رحاب، احنا ماتقابلناش قبل كده، لكن انتي عارفه انا بحبك قد ايه و انك قريبه مني قد ايه، قلبي وجعني عليكي قوي و حزينه إني مش هعرف اجي لك لأني مش في بورسعيد بدعيلك من قلبي إن ربنا يشفيكي و يعافيكي و تقومي لأولادك بألف صحة وسلامة يا رب".
" بجد من الشخصيات المحترمة حتى فى تنافسنا كان باحترام، ألف سلامة عليكى يارحاب، قلبى وجعنى لما عرفت ربنا يشفيكى ويعافيكى، كل اللي عندى يدعى ليها بالله عليكم".
" رحاب حامد من الستات اللى بمية راجل علاقتى بيها مش قويه للحد اللى يخلينى اتكلم عنها بس هى من الناس اللى تدخل القلب من أول مره وبحبها جدا وعلى اد حبى ليها بتمنى من ربنا أنه يتم شفاها على خير وان شاء الله تقومى لبيتك وأولادك وحياتك بألف سلامة، دعواتكم لرحاب بالشفاء العاجل".
شاهد أيضًا:
