EN 
أحال المحام العام الأول لنيابة جنوب الجيزة الكلية المتهم بالتعديل على خطيبته بالوراق الي الجنايات واستمعت النيابة العامة الي أقوال المتهم، حيث أكد المتهم قيامه بالزواج عرفيا من خطيبته بعد ذلك.
اقوال سائق التوك توك المتهم بهتك عرض خطيبته في الجيزة
س/ ما تفصيلات إقرارك؟
ج/ اللي حصل إنى انا سواق توكتوك وكنت بعدى وانا شغال على التوكتوك وبعدي قدام العمارة وكنت بشوفها على طول عند العمارة دى وعجبتنى ساعتها وكنا بنبص لبعض علي طول انا وهي لحد ما في مرة من حوالي سنتين ونص انا اتكلمت معاها في الشارع واديتها رقم تليفونى ومن ساعتها بقينا نتكلم وحبينا بعض وروحت اتقدمتلها من حوالي سبع شهور واتخطبنا فعلا وكنت بحس ان اهلها مش بيحبونی.
وأضاف المتهم بهتك عرض خطيبته في الجيزة، كنت بحس أن أهلها مش عايزين الجوازة دى تتم، وفي يوم في رمضان اللي فات جاتلي البيت وساعتها اقمنا علاقة مع بعض وبعديها بكام يوم في رمضان برده أقمنا علاقة مع بعض تاني في بيتي برده، وبعد كدة من حوالي عشرين يوم اتخانقت انا وهي خناقة عادية وساعتها لما أهلها عرفه فركشوا الخطوبة وقالولنا مش هتكملوا مع بعض تانى خلاص ورجعولي دهبي وانا ساعتها حاولت كذا مرة اروح لأهلها وأحاول أصالحهم وأرجع الموضوع عشان نتجوز بس أهلها كانوا بيرفضوا علي طول.
وساعتها قولت لأهلها إنى إحنا عملنا علاقة مع بعض عشان يخلونا نرجع لبعض بس أهلها برده مرجعوناش ساعتها، وبعد كدة لقيت فادية بتكلمنى على الموبايل وبتقولى انا سيبت البيت وروحت بني سويف وقاعدة عند واحدة صاحبتي هناك عشان أهلي مش عايزين يرجعوني ليك وقالولى هنعملك عملية عشان نخليكي بنت وهنجوزك لأى حد بس مش هتتجوزی سواق التوك توك ساعتها انا سافرتلها بنى سويف وقعدت أدور على محامى مش فاكر اسمه ايه.
وتابع المتهم ساعتها المحامي ده خلانا نعمل عقد جواز وخلاني اكتب قائمة ليها واتجوزتها عرفى، وبعديها بيوم لقيت اختى بتكلمني وبتقولى ام خطيبتي عملت محضر ضدك والحكومة بتدور عليك ساعتها انا خدتها ونزلنا القاهرة وروحنا على قسم بولاق الدكرور في الجيزة.
س / متى وأين حدث ذلك؟
ج/ انا شوفت وعرفت فاديه من حوالي سنتين ونص وكنت بشوفها علي طول قدام العمارة وأقمت معاها علاقة أول مرة وتانى مرة كان بعد أول مرة بثلاث أو اربع ايام والمرتين كانوا في بيتي وبعد كدة الخطوبة اتفركشت من حوالي عشرين يوم أو شهر، وكتبنا العقد العرفي في بيتي.
س/ ما هي علاقتك بالمجنى عليها تحديدا؟
ج/ دلوقتى مراتى بعقد عرفى وانا اعرفها من حوالي سنتين ونص واحنا بنحب بعض.
جاء بأمر الإحالة الذي أعدته نيابة جنوب الجيزة، أن المتهم هتك عرض طفلة بغير قوة أو تهديد بأن إختلى بها على إثر خطبتهما مستغلا حداثة عهدها وعاشرها معاشرة الأزواج.
