راندا استلفت 150 ألف جنيه لعلاج جوزها واتحبست.. والسيسي أعادها لحضن أسرتها

" كنت عايزه اعالج جوزى المريض ، واشتري توك توك ناكل منه عيش استلفت 150 ألف جنيه ومضيت ايصالات امانة لكن معرفتش ارجعها تانى .. ، بهذه الكلمات بدأت راندا .م .ا المفرج عنها ضمن مبادرة الرئيس السيسي "سجون بلا غارمين ولا غارمات" حديثها لــ"صدى البلد" خلال الحفل الذى اقامتة وزارة الداخلية تحت رعاية اللواء محمود توفيق وزير الداخلية للافراج عن 70 غارمة بمناسبة عيد الام.

قالت راندا : "تحملت مسؤولية علاج جوزى بعد مرضة، وتربية اولادى الاتنين هاجر ومحمد، بس مكنش معايا فلوس علشان اعالج بيها جوزى المريض ، واضطريت انى استلف وامضى على نفسى ايصالات امانة بـ 150 الف جنيه ، عملت بيهم عمليات لجوزى واشترينا توك توك ناكل منه عيش ".

واستكملت راندا حديثها ودموع الفرحة فى عينيها : "وبعد كده معرفناش نرجع الفلوس دى تانى ، واتحكم عليا بـ 35 سنه، قضيت منهم سنه داخل اسوار السجن، منذ عدة ايام قال لى احد ضباط السجن : "مبروك يارندا صندوق تحيا مصر دفع الفلوس اللى عليكي وهاتخرجى لعيالك".

ووجهت راندا رسالة للرئيس عبد الفتاح السيسي قائلة : "ربنا يخليك للغلابة ياريس، هانفضل ندعيلك طول عمرنا ، كفايه ان ولادنة هايتربو فى حضننا ".

وكانت وزارة الداخلية اقامت احتفالية داخل سجن طره ، للافراج عن 70 غارمة ضمن مبادرة الرئيس عبد الفتاح السيسي "سجون بلا غارمين او غارمات".