EN 
انتقدت الفنانة نشوى مصطفى الممثلة والإعلامية ميار الببلاوي بسبب تصويرها أحد الأعمال الدرامية في رمضان، خاصة أن ميار سبق وأن هاجمت الفنانين العام الماضي، بسبب تصويرهم المسلسلات في شهر رمضان، باعتباره يبعد الجمهور عن العبادة.
وكانت نشوى مصطفى كتبت عبر صفحتها على فيسبوك قائلة "السنة اللي فاتت في نفس التوقيت زميلة عزيزة محجبة قالت نصاً أي ممثل بيشتغل في رمضان حرام عليكم سيبوا لنا رمضان نتعبد فيه واستعدت الناس على زمايلها اللي بيمثلوا مسلسلات رمضان وزعلت مني لما دخلت عاتبتها، الدهشة إنها السنة دي مشتركة في مسلسل بتمثله دلوقتي هيتذاع في رمضان، ربنا يوفقها".
رد ميار الببلاوي
لترد عليها ميار الببلاوى عبر حسابها في فيسبوك قائلةً "اتفاجئت من بعض المتابعين ليا على الفيس بوك بعتولى اسكرينه بكلام منشور من زميلة محترمة بتروج اشاعه معرفش ايه مصدرها ولأن مش متابعاها، للاسف مخدش بالى انا معرفش هى بتتكلم عن ايه بس انا لا تعليق ولازم كلنا نفهم أن محدش بياخد رزق حد وكله بأيد ربنا واحتراما لروح الزاملة اللى بينا والايام الفضيلة اللى احنا فينا لا تعليق على كلامك واتمنالك الهداية".
كانت ميار الببلاوي نشرت تصريحا للفنانة "دينا" فى أبريل الماضى قالت فيه: "مضطرين ننزل نصور مسلسلات رمضان.. واللوكيشن كله كمامات ومطهرات"، وعلّقت "الببلاوي" قائلةً: "بجد مقدرين تضحياتكم الفظيعة في سبيل شهر ربنا شهر الرحمة والمغفرة والصلاة والصوم والذكر إنكم مصممين تضيعوه علينا، كأن رمضانكم غير رمضانا، استغفر الله".
وأضافت ميار الببلاوى "كان رمضان مش هيبقى رمضان من غير المسلسلات والمسابقات واللهو اللي أغضب ربنا علينا، العمرة اتمنعت والأذان والمساجد اتقفلت، رحمة ربنا اللي محتاجينها دلوقتي اللجوء ليه مش لمسلسلاتكم، حتى لو صحابي هيزعلوا مني، بس ربنا بيقولكم سيبوا رمضان لأهل رمضان، اتقوا الله علشان يجعل لنا مخرج ويرفع الوباء والبلاء، مين معايا يا جماعة؟".
وقررت ميار الببلاوى أن تهاجم الفنانين عبر صفحتها على فيسبوك قائلة : "ودي زميلة ممثلة ومش معتزلة على فكرة لأن قريب كانت بتمثل عادي، والأخت مش عارفة إنه حرام تغتاب زميلة ليها وحاطة صورتها.. لا حول ولا قوة إلا بالله".
وتشارك ميار الببلاوى هذا العام فى مسلسل بعنوان "أهل الوادي" 2021.
