EN 
حرص الفنان محمد هنيدي على توجيه رسالة ونصيحة لجمهوره، وذلك من خلال حسابه على فيسبوك.
وكتب هنيدي: "نتكلم جد .. ماتخليش حد يحطلك مقياس للنجاح في حياتك .. النجاح ممكن يكون بمجموع كبير في كلية وممكن تعمله من غير المجموع ده برده .. النجاح مش بالفلوس .. ولا بصور انستجرام اللي ظاهر فيها انك سعيد وبتصيف كل اسبوع في مكان شكل .. ولا انك عندك فولورز او قناة يوتيوب كبيرة .. النجاح ملهوش مقياس لكل الناس .. انت ممكن تكون شغال شغلة بسيطة بس سعيد وراضي وناجح فيها .. فكرة ان ناس حصرت النجاح في أشكال معينة وانك تقتنع بإن ده هو النجاح .. ده اللي هيخيلك عمرك ما هتبقى سعيد
وتابع: "النجاح هو انك تحقق اللي انت عايزه حسب قدراتك وعقلك ودماغك .. مش انك تحقق اللي الناس عايزاه وشايفاه نجاح".
واختتم "النجاح انك توصل لسعادة ورضا سواء انت بقى ملياردير او اللي جاي على قد اللي رايح، اوعى تحصر فكرة النجاح والسعادة في الفلوس أو في الشهرة ولايكات فيسبوك وانستجرام ومشاهدات يوتيوب لإنك كدة عمرك ما هتبقى سعيد.
وكان قد ذكر الفنان محمد هنيدى عبر صفحته الرسمية عبر موقع التواصل الإجتماعى “ فيسبوك ” موقف طريفاً له ، اثتاء انتظاره نتيجة الثانوية العامة .
قال محمد هنيدى :"أتذكر جيدا أيام الثانوية العامة.. كانت عادة اتصال الوزير بالمتفوقين قد بدأت للتو.. كنت واثقًا البته من تفوقى فى الامتحانات.. وكان والدى منبهرا دائمًا بي.. فبعد كل امتحان.. كنت أوكد له حصولي على الدرجة النهائية".
وأضاف محمد هنيدى : "والدى كان يفتخر بى وبذكائى قائلا لأصدقائه محمد ذكى جدا .. ده بيقفل الامتحانات وهو مابيفتحش كتاب.. في يوم ما قبل النتيجة جلست بجانب التليفون أنتظر اتصال الوزير ليخبرني بالخبر السعيد وهو يقول طلعت أول جمهورية يا محمد مبروك، وبعد ساعات أتى الاتصال وإذا بمعتز صديقى قائلا "جبتلك النتيجة من الكنترول.. الحق اهرب يا محمد جبت 51% وملحق فى العربى".
