EN 
قالت فاتن صلاح، مؤسسة شركة لصناعة منتجات من ألياف الموز صديقة للبيئة ، تعليقًا على تكريمها من السيدة انتصار السيسي:" أخر يوم من معرض ديارنا يوم الاتنين في حد اتصل بيا بليل وقالي ميعادنا بكرا الساعة 10 عشان عندك تكريم من السيدة انتصار السيسي".
وأضافت "صلاح" خلال حوارها ببرنامج" صباح الورد" والمُذاع على فضائية " تن" :" قلت لهم إنتوا بتهزروا ومكنتش مصدقة وقلت ازاي لأن الموضوع بعيد خالص عني لأن أنا واحدة من أسوان وبشتغل حوالي 3 سنين ومحدش حتى في أسوان يعرف اني بشتغل فكنت بسأل ازاي عرفت وكمان هتكرمني "، معقبةً :" قالي ياريت تيجي بعد ساعة عشان تستلمي الدعوة بتاعتك فا حسيت ان الموضوع جد اوي".
وتابعت:" قالولي أنها عرفت من خلال متابعتها للسيدات الملهمات عن طريق المجلس القومي للمرأة وعشان كده تم تخصيص درع تكريم ليكي كأيقونة نجاح وحقيقي كنت مبسوطة جدًا".
