الأرض اتغرقت دم .. كريم محمود عبد العزيز: كنت بحب الهزار مع أخويا محمد في مرحلة الطفولة.. فيديو

قال الفنان كريم محمود عبد العزيز ، إنه كان يحب الهزار مع أخوه محمد في مرحلة الطفولة، ولكن هزار الإخوات بيقلب بكارثة ، معقبًا :" في مرة إختلقت مشكلة معاه ، ونيتي مكنتش حلوة ، فالنتيجة كانت بشعة " .

وأضاف " كريم عبد العزيز " خلال لقائه مع برنامج " سهرانين " المُذاع على فضائية " أون " ، قائلًا : " كان عندنا كنبة في الشقة مفيش غير بابا وماما اللي بيقعدوا عليها ، فمكنش فيه حد بالساهل مننا يقعد عليها " .

وتابع الفنان : " فأنا كنت قاعد عليها وبتفرج على التليفزيون ، وجيه محمد قالي قوم أنا عايز أقعد ، قولتله لا مش هقوم أنا قعدت الأول " .

وأكمل : " قالي عايز أقعد قوم انت قعدت شوية ، قولتله لاء مش هقوم ، راح قالي قوم وخبطني في دراعي براحة خالص " .

و عقب : " فأنا أفورت ووقعت نفسي على أساس إنه خبطني جامد يعني ، فوقعت على طرف التربيزة ، وراسي اتفتحت ، والأرض اتغرقت دم ، وقعدت أصرخ وأصوت " .

وأضاف : " راسي اتخيطت وأخدت غرز كتير بسبب استظزرافي ، واتعلمت معملش حاجة زي ديه تاني " .