EN
وجه أحمد، نجل النائب والإعلامي مصطفى بكري، رسالة دعم ومساندة لوالده، أعرب خلالها عن فخره واعتزازه به، مؤكدًا وقوفه الدائم بجانبه، وعدم تأثره بحملات الهجوم والانتقادات التي يتعرض لها.
وكتب أحمد مصطفى بكري، عبر حسابه الرسمي على موقع التواصل الاجتماعي «فيسبوك»: «أبويا الأستاذ مصطفى بكري، أنا فخور بيك وفخور إني ابنك وشايل اسمك، وعمري ما هبطل أقولها، إنت في عيني زعيم وراجل قوي وجسور ومش بتخاف من حد، وبتقول كلمتك وبتتحمل مسؤوليتها مهما كان اللي قدامك مين».
وأضاف: «اشتموا براحتكوا، في الأول وفي الآخر كلامكم ده ولا بيفرق معانا نهائي، بقالنا سنين بنتشتم وعمرنا ما ردينا ولا هنرد، لأن إحنا أكبر من كده بكتير، ومش هننزل لمستوى الشتيمة والتجريح مهما قلتوا ومهما عملتوا، مش هتغيروا مكانته عندنا».
وتابع نجل مصطفى بكري: «إحنا مش مستنيين رضا حد ولا محتاجين حد يقول لنا نفتخر بيه ولا لأ، اللي يختلف باحترام حقه، إنما الإساءة مش هتشغلنا، ومش هنضيع عمرنا نرد عليها».
واختتم رسالته قائلًا: «أنا بحبك يا أبويا وفخور بيك ودايمًا في ضهرك، وربنا يحفظك لينا ويديك الصحة وراحة البال، وتفضل وسطنا قوي ومرفوع الراس».
