فك حصاري

فك حصارى جوايا نارى
كشفت غمامى رفعت ستارى
أخدت قرارى
نور يطلع جوايا يشقشق
خايف صوت الحق ليغرق
وسط طوفان مجنون ميفرق
بين اختى واخويا وولادى
وبين ابليس ف كيان متهئ
فرق واخنق صوت جوايا
حاسب نار شرارتها بداية
كانت غدر باخويا باخوك
واحلام عقلى واغتصبوه
وفر نارك لعدو ليك
حرك قلبى خوفى عليك
يمولوا دماغك بكلام فاضى
ويقولوا اقتل وبقوة
نبض بلادك مات من جوه
انسى الاهل وداع يا بلادى
دم شهيدك سال على الوادى
رخيصة روحى للدرجة دية
مش راح اسيبك تقتل تانى
شبحى يطاردك صاحى ونايم
فوق مين فوقك كان فيها دايم

ده غضب ربك والله فظيع

وبفكرنى انا وياك
ايدى فى ايدك نبنى بلادنا

وفراقنا لبلادنا هلاك

وانزل فى ميدان التحرير
يارصاص بيطير او دم يسيل
هو مفيش بقى تانى بديل

بقى ده هو المصرى أصيل
يقتل اخوه علشان فرعون
ملى راسه بكلام موزون
بس القافية جبتله الكافية
دة كلامه محتاج منظار
ام كلامنا يشوفه كفيف
علشان حق وقوت ورغيف
ودم وجثة عليها رصيف
ارفعي يلا قانون يا طوارئ
واعمل حظر تجول طارئ
واقتل وادبح وابنى سدودك
صوت الحق خلاص هيطولك
قوتنا فى وحدة اشكالنا
قمحى صورتك هى مرايتى
الدين لله والكل اخوات
شوفتى يا مصر كتيير ازمات
اخ بيقتل اخوه من غلبه
والتانى برصاص ملعون
قبل سلاحك متصحيه
فكر راح تعمل بيه ايه
حاسب قاتل اهلى واهلك
فى محاكم مشوارها طويل
مهتخلص لو عودى يميل

مش هسكت واخرس ياشيطان
ولا اكون صوت آه جوه القضبان
مستنين من الفرعون فرمان
بمحكمة وحق الغلبان
رجع حقى وسبنى أعيش
حقى هاتوه متظلمنيش
سبنى أعيش
سبنى أعيش
هعلى بصوت الحق وانادى
بسم الله وبسم بلادى
هلال وصليب وحدة فى بلادى