سألنا الستات .. بتمشي ميزانية المنزل بكام؟.. والأخيرة ردودها صادمة

يعتبر ارتفاع الأسعار من أكثر الأمور التي تعرق الكثير من ربات المنزل، فمطلوب منهن قضاء الشهر بعد غلاء الأسعار يتطلب عبقرية شديدة لتكيف الأمور وعدم حدوث عجز فى طلبات المنزل والأولاد.

وسألنا الستات عبر موقع التواصل الإجتماعى "فيس بوك"، عن كيفية تسير الأمور في المنزل بالميزانية ذاتها مع ارتفاع الأسعار، وجاءت الردود، حيث قالت "سالى عبد السميع:" أنا بمشي البيت بـ 850 جنيه لانى بشتري الأول الأكل كله بتاع الشهر وبحاول أقسم الأكل يعنى مثلا الفرخة بجبها أطلع منها أوراك لوحدها دى وجبة، واطلع منها صدور للبانيه والشاورما، والأجنحة بعمل عليها شربة خضار".


بينما قالت "أمينة السيد"، أنا بمشي البيت بـ 500 جنيه بس، لأن مرتب جوزى كله على بعضه 1300 جنيه وفى إيجار 300 جنيه، ومش شرط طول نأكل لحوم 3 مرات فى الشهر يعنى ممكن مرة واحدة حلو أوى، وبعمل عدس بقى أو شربة خضار أو بسلة أو فاصوليا، وبحاول اشترى الحاجات الرخيصة اللى موجودة في السوق يعنى لو الطماطم بـ 3 جنيه ممكن انا اجبها بـ 2 جنيه بس".

من جانب آخر قالت "زينب موسي"، انا مش بعرف امشي البت بأقل من 2000 جنية فى الشهر، ده كيلو اللحمة بقي بـ 150 جنيه، وكيلو الجمبري بـ 200 جنيه الأسعار بقيت نار".