EN
استنكر الإعلامي تامر أمين، موقف أهالي حارة الدرديري بالدرب الأحمر بعد الحادث الإرهابي الذي وقع أمس.
وقال "أمين"، خلال تقديمه برنامج "آخر النهار"، المُذاع عبر فضائية "النهار"،: «أنا بوجه كلامي لأهالي حارة الدرديري بالدرب الأحمر، إنتوا فين يا سكان الحارة والمنطقة، واحد زي دا عايش بينكم وبيشتري مواد متفجرة، بكميات كبيرة ممكن نقول إن كان فيه مصنع متفجرات في الشقة، بيدخل الحاجات دي إمتى ويطلعها إمتى، هو انتوا نايمين، هي اللامبالاة سمة أساسية في حياتكم، هي الحياة عندكم عادي».
وتابع: «هو إنتوا شوفتوه نازل من الشقة ملثم، كل دا ملفتش انتباهكم ومفيش أي إثارة خالص، ماقولتوش هو الواد بيعمل كدا ليه، ليه ما بلغتوش عنه وهو ملثم كدا، علشان ما دام ملثم وبيخفي ملامحه يبقي فيه جريمة».
وتابع: «الإرهابي طالع نازل قدامكم مفيش حد يقوله كلمة للدرجة دي بقينا أغراب وفرقاء في نفس الحارة»، مردفا: «أنا عايز كل واحد يبقي مخبر للدولة في أي شيء مريب».
