أحمد صالح يكتب الاختلاف بين العقول والبشر

يعنى انت ممكن تشوف ان الثوره كانت خراب وانا اشوف ان الثوره نور
حقك تعتبر البرادعى عميل وحقى اعتبره رمز من رموز الثوره
حقك تقول حمدين واحد خمنا وحقى اقول ان حمدين رجل محترم
حقك تقول ابو الفتوح متلون واخوان متخفى .. حقى اقول ان ابو الفتوح رجل محترم ليه طريقه معينه فى التفكير اتفق معها احيانا واختلف معها احيانا
حقك تشوف الاحداث باى طريقه .. وانا حقى اشوفها بطريقتى
لكن هناك اساسيات ومبادىء هنتفق عليها سوا شئنا ام ابينا
مثلا .. هنتفق ان الدم المصرى مصرى مهما كان هو مين وان قتله حرام امام الله بدون وجه حق
هنتفق ان العدل اساس الملك
هنتفق ان مينفعش اقول ان فلان عميل وانا معنديش دليل
هنتفق ان مينفعش نقول فلان خمنا وهو مكنش وعدك بحاجه ورجع فيها
هنتفق ان الازمات تدار بحكمه وليس بمبدأ البقاء للأقوى
هناك اشياء مشتركه تسمى الانسانيه فكونك لا تعترف بها هذا نقص فيك