محمد أبو عميرة يكتب: محناش عبيد

ياشعب مصر العظيم اوعى حد يتوهك
ينزل معاك وسط المظاهرة يشوهك
ويتوهوك ويحيروك ويخيروك
ما بين خطوط كل السكك وخط أبوك
اعرف طريقك وكمل بارادتك سكتك
... واوعي العدو يحيرك ويسكتك
محناش عبيد لاي حد
الثورة جد والدم جد
محناش عبيد
وكلنا لابسين كفن
وكلنا مشروع شهيد
محناش عبيد
والحلم مهما كان بعيد
بايدينا نطول قرص السما
وفي كل يوم نضال جديد
ويطلع نهارنا زي شموسة صباح
ويتترسم علي الشفاه ضحكة وليد
محناش عبيد
السكة واضحة والثورة مصممة
نطقت شفاهنا بعد ما كانت متكممة
وانتي يامصر الصبورة المؤمنة
ونبدأ طريقنا ومن جديد
محناش عبيد