EN 
تصدرت الفنانة والإعلامية ريهام سعيد تريند جوجل، وذلك بعد الأزمة التى أثارتها أمس عبر حسابها على موقع التواصل الاجتماعى إنستجرام خلال تواجدها فى إحدى المناطق الساحلية بصحبة أسرتها.
وقد كشفت ريهام عن تعرضها للتحرش من جانب بعض الشباب وكشفت عن صورهم حيث إنها رفضت أن تلتقط صورا معهم مما دفعهم إلى التهكم عليها والتحرش بها لفظيا قائلين "سيبك منها دى رد سجون".
وكتبت ريهام سعيد: "لوسمحتوا محتاجه اتقدم ببيان رسمي للداخلية وأوريهم أن حقي مش هيضيع زي ما قالوا لي ابقي ورينا هتعملي ايه؟".
وتابعت: "أنا محتاجة من فضلكو تساعدوني أني أعرف بيناتهم كانوا بيتمشوا من الشاطئ العام وقعدوا في شمسية جنبنا ابتدت المعاكسة والكلام اللي كله قلة أدب ومش عارفين أنا مين وبعدين كل ده مبنردش".
وأضافت: "قربوا مننا، بنتي قالت لهم ايه ده ابعدوا، وأنا مش عايزه اتخانق معاهم عشان ابني ما يتخضش لما قربوا عرفوا انا مين قالوا طيب نتصور مردتش لأني كنت مضايقة أوي من اللي بيعملوه، سألني تاني قلت له أنا قاعدة مع ابني اتصور ازاي؟ واحد منهم قال لصاحبه سيبك منها دي كانت محبوسة والتاني رد قال فعلا دي رد سجون بصوت عالي جدا قدام كل الناس اللي قاعدين، واللي انقذني منهم ناس محترمة قاعدة جنبي مشوهم بعد ما فضلوا يقولوا ألفاظ".
ونشرت الإعلامية ريهام سعيد فيديو عبر موقع التواصل الاجتماعى "إنستجرام " تستغيث فيه بالشعب المصرى والمسئولين بسبب التحرش بها هى وابنها.
وأوضحت ريهام سعيد فى الفيديو أنها تم التحرش بها لفظيا بسبب رفض التصوير مع 6 شباب وحينما رفضت قال لها الشباب "سيبك منها دى كانت رد سجون".
