EN
علق الفنان مصطفى درويش، على الهجوم المتبادل بينه وشرين رضا، قائلاا: "جالي من فريند عندي في البيدج مانشيت في المواقع، إنها بتسخر مني وبتقول متعرفنيش، فأنا مردتش، ومعرفش إيه القصة، لأني مفهمتش إيه اللي حصل".
وأضاف درويش، خلال حواره مع الإعلامية بسمة وهبة مقدمة برنامج "90 دقيقة"، على قناة المحور: "عرفت بعد كده اللي حصل، وإنها هاجمتني بسبب انسحابي من فيلم الملحد، فرديت وخلتها تركب معايا التريند، مركبتش لوحدي".
وتابع: "رددت عليها بأدب وقلت إن هناك فارق كبير في السن، ومن الطبيعي ألا تعرفني، كنت بتفرج عليها في كليب عمرو دياب وأنا عندي 10 سنين، عارفها من زمان، والناس كلها بتموت فيها".
وأوضح: "شرين رضا فنانة قبل أن أفكر في أن أصبح فنانا، هي قبل مني في الفن وقبلي وخبرة عني، هي عارفاني أكيد، وكانت المفروض تقول متعاملتش معاه قبل كده، وده قرار .. ده الكلام العاقل، انا عارف هي بتتكلم ازاي، هل كل كلامها ده مش عيب؟! ولا في فئة في المجتمع تنتقد وإحنا منقدرش نقولها لأ".
