دماغ تانية.. أول مجلة شبابية متخصصة بإعلام عين شمس| فيديو

عرض  برنامج "صباح الورد" المذاع على فضائية "تن"، فقرة استضاف بها فريق عمل مجلة “دماغ تانية"، أول مجلة شبابية متخصصة بكلية الإعلام بجامعة عين شمس.

وأكد محمود أنور، عضو فريق عمل “دماغ تانية”، أن مشروع التخرج الخاص بكلية الآداب، قسم إعلام وشعبة صحافة، يكون عبارة عن مجلة ورقية مطبوعة، مشير إلى أن مجلة "دماغ تانية" تربط بين الصحافة التقليدية والصحافة الحديثة، وذلك من خلال تقديم تقارير مصورة بعنوان "متغلطش غلطتي"، وهي عبارة عن نصائح يقدمها الكبار للشباب.

وقال محمود أنور: "إحنا قدرنا نعمل أفكار جديدة ما بين مطبوعة وإلكترونية، عملنا "QR CODE" من خلاله نقدر ندخل على التقارير في المجلة، وعملنا ملحق مع المجلة موجه لذوي الهمم، وهناك تقارير وتحقيقات وحوارات".

واستطرد: "عملنا 5 حوارات مع 5 وزراء، ونائبة وزير السياحة، وأول خطوة بنعملها إننا بننزل بنفسنا نروح مقر الوزارة، ونقابل أي مسئول من العلاقات العامة، بنعرفهم بنفسنا وبنتفق معاهم، وبنعرض عليهم الموضوع".

في السياق نفسه، قال فارس سامح، عضو فريق عمل “دماغ تانية”: "المجلة عبارة عن 7 أبواب، ونناقش دماغ الشباب من ناحية كل حاجة، مثل سياسة ومجتمع واقتصاد وتكنولوجيا، لما فكرنا قلنا مينفعش ناخد جزء ونسيب أجزاء تانية، لازم نعرف الشباب بتفكر في إيه في كل المجالات".

فيما قالت ندى إيهاب، عضو بفريق عمل “دماغ تانية”: "إحنا كنا أول مجلة متخصصة في القسم، ورئيسة القسم دعمت فكرتنا جداً وكانت متحمسة ليها، إحنا عملنا حاجة غير المألوف، تسيب بصمة".

وأضافت: "خدنا زاوية الشباب، وحسينا إن محدش خدها قبل كده، إن كلية وطلاب هما اللي يتكلموا باسم الشباب واهتماماتهم ومشاكلهم، فالرسالة وصلت صح".