EN 
كشف الفنان شريف رمزي عن تطورات الحالة الصحية لشقيقه صلاح٫ قائلا: “شقيقي يعاني من مرض الالتهاب السحائي”.
وأضاف خلال مداخلة هاتفية ببرنامج “مساء دي إم سي”٫ على قناة “دي إم سي”٫: “قبل إصابة شقيقي كان قعد يشكتى من رقبته وعملنا علاج طبيعى٫ وعملنا تحاليل كل أرقام التحاليل عالية جدا والدكاترة قالوا عنده حاجة فى المخ وعلى أساسه تلقى 14 يوم علاج واليوم الـ15 انقطع عنه الاكسجين لمدة 15 يوم وراح فى غيبوبة”.
وأشار: “نحن في مشكلة كبيرة من 6 أشهر بسبب دخول شقيقي الوعكة الصحية”٫ موضحا: "هناك تحسن بس بسيط والغيبوبة بتاعه ملهاش مدة”.
وتابع: “بطلب من ربنا الشفاء كل يوم٫ ووالدتي في حالة صعبة جدا٫ وتتواجد معه يوميا في المستشفى”٫ مضيفا: “مفيش في إيدينا حاجه غير الدعاء”.
وعلق الفنان شريف رمزى على احتفاله بعيد ميلاد شقيقه رغم معاناته مع الغيبوبة منذ 6 أشهر، قائلا : "بطالب الناس تدعى له والدعاء بيغير القدر”٫ متابعا: “يارب الكابوس ده يخلص ومؤثر بشكل كبير علينا جميعا٫ وربنا ما يورى اللى حد اللى احنا فيه وربنا كبير جدا”.
