إيناس جوهر لـ«صاحبة السعادة»: «مينفعش تزغردي على الهواء»

طالبت الإعلامية الكبيرة إيناس جوهر، المذيعين ومقدمي البرامج الحاليين بارتداء "الملابس الفورمل" أثناء إجراء لقاءات مع كبار مسئولي الدولة، مضيفا: "دلوقتي بشوف مذيعين بيعملوا حوار مع رئيس الوزراء وبيلبسوا أحمر".

وقالت "جوهر" في حوار مع برنامج "كلام خفيف"، عبر إذاعة نجوم إف إم، اليوم الاثنين، إن لديها اعتراض على "ركوب الصحفيين للكاميرات والميكروفونات وكذلك الفنانين واختفاء المذيعين من على الساحة"، متابعة: "هو من قلة المذيعين؟!".

وأضافت الإعلامية القديرة: "بعترض على الصحفيين اللي ركبوا الكاميرات والميكروفونات وبدأوا ينظروا، ده مش إعلامي ده اسمه الكاتب الصحفي الكبير فلان الفلاني، وكمان كل الفنانين اللي بيقدموا برامج ومنهم حبيايبي هالة فاخر وإسعاد يونس".

ووجهت إيناس جوهر انتقادًا للفنانة إسعاد يونس، وقالت: "لو أنا مذيعة مزغردتش مينفعش إعلامية تطلع تزغرد"، متابعة: "متزعليش مني يا سوسو أنتي بتسعديني ببرنامجك صاحبة السعادة، وحلقة نسمة محجوب رائعة".