وجه أحمد عيد عبدالملك نجم الزمالك والمنتخب السابق رسالة لـ مسؤولي الفريق بشأن احتياجات الفريق ، خلال فترة الانتقالات الصيفية المقبلة خاصة عقب رحيل فرجاني ساسي نجم الفريق السابق لـ الريان القطري عقب انتهاء عقده
وكتب عبد الملك ، عبر حسابه الرسمي بموقع التواصل الاجتماعي " تويتر": الزمالك محتاج دعم في المراكز دي بس "الدفندر وصانع اللعب والباك رايت ورأس الحربة ".
وأضاف : "وبعدين أنا مش هرجع محترف علشان يقعد احتياطي، مصطفي فتحي متألق وهيرجع كمان يبقي تخلي عندك ٣ محترفين بس مش لازم ٥ محترفين ، وقيمتهم الفنية تبقي عالية حتي لو هياخدوا الفلوس اللي هتدفع لـ الـ ٥ بس يبقو مؤثرين.
وتابع : " مركز الجناح اليمين الي فيه زيزو و شيكا و مصطفي هيرجع كمان عاوزين نرجع أوناجم ليه طيب أجيب محترف يبقي رقم ٣ أو ٤ و ليه أجيب محترف أصلاً يبقي احتياطي أشوف احتياجتي الأول".
وأكمل :" ممكن مساك طبعاً بس أجيب اللي ناقص أولاً ".